حکومت کی بنائی جے آئی ٹی کسی صورت قبول نہیں کرینگے، رحیق عباسی
بدھ 12 نومبر 2014 23:17
لاہور(اُردو پوائنٹ اخبار تازہ ترین۔12نومبر 2014ء) پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ سانحہ ماڈل ٹاؤن پر حکومت کی طرف سے بنائی گئی مبینہ JITکسی صورت قبول نہیں کرینگے، پاکستان عوامی تحریک نے پہلے روز سے ہی واضح کرر کھا ہے کہ پنجاب سندھ اور بلوچستان سے JITکا کوئی سربراہ قبول نہیں کرینگے، سانحہ ماڈل ٹاؤن کے اجتماعی قتل کے واقعات میں ملوث حکومت انصاف کی راہ میں روکاٹ بنی ہوئی ہے، پاکستان عوامی تحریک کے سربراہ ڈاکٹر طاہر القادری وطن واپسی پر آئندہ کے لائحہ عمل کا اعلان کرینگے،انہوں نے کہا کہ اب تک جوڈیشل کمیشن کی رپورٹ پبلک ہوئی اور نہ ہی ایف آئی آر کے اندراج کے بعد JITکی تشکیل عمل میں لائی گئی ، ڈاکٹر رحیق احمد عباسی نے JITکے قیام کے حوالے سے حکومت کے مبینہ اعلان پر شدید تنقید کرتے ہوئے کہا کہ پاکستان عوامی تحریک کے قائد ڈاکٹر طاہر القادری نے اس طرح کی JITکا کبھی بھی مطالبہ نہیں کیا، حکومتی وزراء نے PATکیساتھ ہونے والے مذاکرات میں ہمیشہ JITبنانے پر اتفاق کیا لیکن ابھی تک آزاد JITکی عدم تشکیل اس بات کا واضح ثبوت ہے کہ موجودہ حکمران جان بوجھ کر معاملے کو الجھارہے ہیں، انہوں نے کہا کہ PAT کو اعتماد میں لیے بغیر ایسی کسی بھی JITکے قیام کے اعلان کو مسترد کرتے ہیں، حکمران دوغلی پالیسی پر عمل پیرا ہیں،ڈاکٹر رحیق احمد عباسی نے کہا کہ سانحہ ماڈل ٹاؤن کے شہداء کو انصاف ملنے تک چین سے نہیں بیٹھیں گے۔
مزید اہم خبریں
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
-
گندم خریداری میں تاخیر، کسان اتحاد کا ملک گیر احتجاج کا اعلان
-
خاموشی – ڈاکٹر مبارک علی کی تحریر
-
اسمارٹ فون 10 برسوں میں 83 فیصد مہنگے ہوئے
-
سونامی کیسے بنتے ہیں؟
-
چینی صدر شی جی پنگ آج اتوار کو فرانس پہنچ رہے ہیں
-
ناروے: ایک جنسی مجرم کی سوشل میڈیا تک رسائی کو انسانی حق قرار دینے کی اپیل
-
پاکستان: دیہی علاقوں میں شدید گرمی کے حاملہ خواتین پر اثرات
-
پولیس اہلکار پر نازیبا حرکات کا الزام، خواجہ سراؤں نے تھانے پر دھاوا بول دیا
-
جرمنی میں شرح پیدائش ایک دہائی کی نچلی ترین سطح پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.