ایمپلی فائر ایکٹ کو واپس لیا جائے اور گرفتار علماء کرام کو رہا کیا جائے،
حکومتی زیادتیوں کے خلاف سنی مجلس عمل سب سے پہلے لاہور تنظیم کو متحرک کرے گی، پیر محمد افضل قادری
بدھ 25 فروری 2015 19:11
لاہور(اردو پوائنٹ تازہ ترین اخبار. 25 فروری 2015ء) اہلسنت مکتبہ فکر سے تعلق رکھنے والی 27 دینی جماعتوں پرمشتمل سنی مجلس عمل نے پنجاب حکومت سے مطالبہ کیا ہے کہ فوری طور پر ایمپلی فائر ایکٹ کو واپس لیا جائے اور گرفتار علماء کرام کو رہا کیا جائے، گزشتہ روز لاہور میں چیئرمین سنی مجلس عمل پیر محمد افضل قادری نے مجلس عمل میں شامل دیگر جماعتوں کے رہنماؤں کے ہمراہ مشترکہ پریس کانفرنس سے خطاب کرتے ہوئے کہا کہ حکومتی زیادتیوں کے خلاف سنی مجلس عمل سب سے پہلے لاہور تنظیم کو متحرک کرے گی، ایسے منظم اقدامات اٹھائے جائیں گے کہ حکومت اپنے تمام اسلام شکن اقدامات واپس لینے پرمجبور ہو جائے گی اس کے بعد احتجاجی تحریک پورے ملک میں شروع کردی جائے گی ، انہوں نے کہا کہ سنی مجلس عمل حکومت کو کسی مسجد سے لاؤڈ سپیکر اتارنے کی اجازت نہیں دے گی، انہوں نے کہا کہ جو تنظیمیں دہشت گردی میں ملوث ہیں حکومت ان کے خلاف ضرور کارروائی کرے جو مدارس ایسی سرگرمیوں میں ملوث ہیں بیرون ممالک سے امداد حاصل کررہے ہیں ان کی نشاندہی کی جائے ان مدارس کو حکومت کے ساتھ مل کر بند کرایا جائے گا لیکن ذمہ دار مدارس کے خلاف کریک ڈاؤن بند کیا جائے، انہوں نے کاہ کہ حکومت غیر ملکی ایجنڈے پر کارفرما ہے اور ایک طبقہ اس سازش میں شامل ہے مگر دین اسلام کے تحفظ کیلئے وہ کسی قربانی سے دریغ نہیں کریں گے تحریک ختم نبوت کی طرح سنی مجلس عمل بھی گرفتاریاں دینے کے لئے تیار ہیں اور مجلس عمل عوام کو بھی سڑکوں پر لائے گی، انہوں نے کہا کہ سنی علماء کونسل کوئی اتحاد نہیں ہے بلکہ اس میں بہت سی دینی جماعتیں شامل ہیں، انہوں نے کہا کہ افسوس ناک امر یہ ہے ایمپلی فائر ایکٹ میں لاؤڈ سپیکر استعمال کرنے کی کوئی ضمانت نہیں جبکہ چوروں ،ڈکیتوں کی ضمانتیں کی جاتی ہیں، اس موقع پر خادم رضوی، شادات رضا، محمد عارف اعوان ایڈووکیٹ، سید مختار رضوان سمیت سنی مجلس عمل کے دیگر رہنما بھی موجود تھے۔
(شعیب عزیز)متعلقہ عنوان :
مزید اہم خبریں
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
-
گندم خریداری میں تاخیر، کسان اتحاد کا ملک گیر احتجاج کا اعلان
-
خاموشی – ڈاکٹر مبارک علی کی تحریر
-
اسمارٹ فون 10 برسوں میں 83 فیصد مہنگے ہوئے
-
سونامی کیسے بنتے ہیں؟
-
چینی صدر شی جی پنگ آج اتوار کو فرانس پہنچ رہے ہیں
-
ناروے: ایک جنسی مجرم کی سوشل میڈیا تک رسائی کو انسانی حق قرار دینے کی اپیل
-
پاکستان: دیہی علاقوں میں شدید گرمی کے حاملہ خواتین پر اثرات
-
پولیس اہلکار پر نازیبا حرکات کا الزام، خواجہ سراؤں نے تھانے پر دھاوا بول دیا
-
جرمنی میں شرح پیدائش ایک دہائی کی نچلی ترین سطح پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.