ترکی میں پاکستان کی ثقافت کو اجاگر کرنے کے حوالے سے پروگرام کا انعقاد
منگل 7 جولائی 2015 11:54
انقرہ ۔ 07 جولائی (اُردو پوائنٹ اخبار تازہ ترین۔ 07 جولائی۔2015ء) ترکی میں پاکستان کی ثقافت کو اجاگر کرنے کے حوالے سے پروگرام کا انعقاد کیا گیا۔ ذرائع ابلاغ کے مطابق انقرہ کے علاقے کے پی اورین میں پاکستان کی ثقافت کو اجاگر کرنے کیلئے پروگرام کا انعقاد پاکستانی سفارتخانہ کی جانب سے کیا گیا۔ تقریب کا افتتاح پاک ترک دوستی کی انجمن کے چیئرمین اور رکن پارلیمنٹ برہمان قایا ترک ، پاکستانی سفیر سہیل محمود ، کے پی اورین بلدیہ کے میئر مصطفیٰ آق ، قر شہر فیڈریشن یونین کے چیئرمین حلمی گیوک چنار نے مشترکہ طور پر کیا۔
ثقافتی پروگرام میں پاکستانی دستکاری کے نمونے ، کتابیں، ٹیکسٹائل کی مصنوعات ، روایتی ملبوسات ، ٹرک پینٹنگ کے نمونے لوگوں کی توجہ کا مرکز تھے۔(جاری ہے)
اس موقع پر پاکستانی سفیر نے خطاب کرتے ہوئے اولین طور پر ترکی اور پھر کے چی اورین بلدیہ میئر مصطفیٰ آق کا سال 2014ء کے ماہ دسمبر میں پشاور آرمی سکول میں ہونے والے دہشتگردی کے حملے پر افسوس کے اظہار کا شکریہ ادا کیا اور کہا کہ ترک عوام نے پاکستانی عوام کے دلوں میں گھر کر رکھا ہے۔ تقریب کے اختتام پر پاکستانی سفارتخانے کے سکول کے بچوں اور انقرہ کی مختلف یونیورسٹیوں میں زیر تعلیم طلبہ نے ثقافتی شو کا مظاہرہ بھی کیا اور چاروں صوبوں کی شاندار ثقافت کو خوبصورت انداز میں پیش کیا۔
مزید اہم خبریں
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
حماس کا مطالبہ تسلیم کرنا، اسرائیل کی بدترین شکست ہو گی، نیتن یاہو
-
فیض آباد دھرنا انکوائری کمیشن کی رپورٹ سپریم کورٹ میں جمع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.