لاس اینجلس: ’معذوری کمزوری نہیں ہوتی‘ لاس اینجلس میں اسپیشل اولپک گیمزز میں تمغہ کانسی کی حامل گیارہ سالہ نایاب بی بی کی منفرد سوچ
سمیرا فقیرحسین منگل 25 اگست 2015 11:19
لاس اینجلس (اردو پوائنٹ تازہ ترین اخبار. 25 اگست 2015 ء): امریکی شہر لاس اینجلس میں ہونے والے اسپیشل اولمپکس گیمز میں پاکستان کے لئے کانسی کا تمغہ جیتنے والی گیارہ سالہ نایاب بی بی سمجھتی ہے کہ معذوری کوئی کمزوری نہیں ہوتی، ان کا ماننا ہے کہ اگر خود پر یقین اور بھروسہ ہو تو کامیابی ضرور ملتی ہے۔ خیبر پختونخواہ کے ضلع صوابی سے تعلق رکھنے والی نایاب بی بی پیدائشی طور پر ایک ہاتھ سے معذور ہے لیکن اس کمسن بچی نے معذوری کے باوجود کھیل کے میدان میں پاکستان کا نام روشن کرتے ہوئے اسپیشل اولمپکس 2015ء میں دو سو میٹر کی دوڑ میں تیسری پوزیشن حاصل کرتے ہوئے کانسی کا تمغہ اپنے نام کیا۔ اس کے ساتھ ساتھ اس نے ریلی ریس میں چوتھی جبکہ 100میٹر ریس میں چھٹی پوزیشن حاصل کی۔
(جاری ہے)
نایاب کا کہنا ہے کہ تعلیم کے ساتھ ساتھ اس کو کھیل کود میں بھی دلچسپی تھی، جس کا موقع ملتے ہی اس نے بھرپور فائدہ اٹھایا، نایاب نے بتایا ’’میں اپنے سکول (خصوصی بچوں کا اسکول) میں شروع ہی سے کھیلوں میں حصہ لیتی تھی، مسلسل محنت کی وجہ سے مجھے اسکول کی طرف سے اسلام آباد، لاہور اور کراچی میں کئی مقابلوں کے لئے بھیجا گیا، جس میں عمدہ کارکردگی کی بناء پر میں امریکا کے لئے منتخب ہوئی۔‘‘خصوصی بچوں کے اسکول میں تیسری جماعت کی طالبہ نایاب بی بی کہتی ہے کہ اس کو اسکول میں سکھایا گیا ہے کہ معذوری کو کبھی بھی رکاوٹ مت بناؤ، خود اعتمادی اور لگن سے ہر مقصد حاصل کیا جا سکتا ہے، نایاب نے کہا’’اسی بات پر عمل کرتے ہوئے میں نے پوری دنیا کے خصوصی افراد میں تیسری پوزیشن حاصل کی ہے۔‘‘ نایاب کے والد سمیع الحق اپنی بچی کی کامیابی سے بہت خوش ہیں، ان کے بقول، ’’نایاب بہت چھوٹی تھی، جب مجھے ڈاکٹر نے اس کی لا اعلاج بیماری کے بارے میں بتایا تو میری آنکھوں میں آنسو آگئے تھے۔ گیارہ سال بعد میری آنکھیں دوبارہ نم ہوگئیں، لیکن اس مرتبہ یہ نایاب کی کامیابی کی خوشی میں تھیں۔‘‘سمیع الحق کہتے ہیں کہ وہ ایک غریب دوکاندار ہیں، انہوں نے غربت میں بھی اپنی بچی کی ہر جائز خواہش پوری کرنے کی ہے،نایاب کے والد نے کہا ’’مجھے کو فخر ہے کہ میری بیٹی نے معذور ی کے باوجود پوری دنیا میں پاکستان کا نام روشن کیا ہے۔‘‘ ان کے مطابق گو کہ اس معاشرے میں لڑکیوں کے کھیل کود میں حصہ لینے کو اچھی نگاہ سے نہیں دیکھا جاتا لیکن نایاب کے ساتھ، خاندان کے ساتھ ساتھ ملک بھر کے لوگوں کی دعائیں اور پیار ہے، ’’نایاب مستقبل میں اس سے بہتر کارکردگی کا مظاہرہ کرے گی اور پشتون لڑکیوں کے لئے ایک رول ماڈل ہو گی۔‘‘نایاب بی بی کے بڑے بھائی عبداللہ کہتے ہیں کہ ان کو یقین ہی نہیں ہو رہا تھا کہ ان کی بہن امریکا تک جائے گی،’’ہم امریکا کا صرف خواب ہی دیکھ سکتے تھے، لیکن نایاب نے ثابت کردیا ہے کہ محنت سے ہر کام ہو سکتا ہے۔‘‘ عبداللہ کا کہنا تھا کہ ان کو نہایت خوشی ہوتی ہے جب لوگ اس کی بہن کو ہیر یا چیمپئن کہہ کر مخاطب کرتے ہیں۔
تعلیم سے محبت اور لگاؤ کی وجہ سے نایاب نے اپنے میڈلز اور کامیابی آرمی پبلک اسکول پشاور کے شہداء کے نام کردیے ہیں۔ وہ کہتی ہے کہ آرمی پبلک اسکول کے بچوں کی قربانیوں کو بھلایا نہیں جا سکتا۔نایاب کہتی ہے کہ وہ آئندہ بھی کھیل کے میدان میں پاکستان کی نمائندگی کر کے ملک کا نام روشن کرے گی۔ دوسرے معذور افراد کو مخاطب کرتے ہوئے نایاب کا کہنا تھا، ’’کوئی بھی کام مشکل نہیں ہے، اپنی معذوری کو بھلا کر اپنی تمام توجہ اپنے مقصد پر لگائیں، کامیابی یقینی ہوگی۔‘‘
مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.