قومی ٹی ٹونٹی ٹورنامنٹ میں سٹار کرکٹرز کی دلچسپی کم ہونے لگی

پیر 14 ستمبر 2015 15:54

لاہور (اردو پوائنٹ تازہ ترین اخبار14ستمبر ۔2015ء ) قومی ٹی 20 کرکٹ ٹورنامنٹ کے آگے بڑھنے کیستاھ سٹار کھلاڑیوں کی اس میں دلچسپی کم ہوتی جارہی ہے ۔ ٹورنامنٹ دیکھنے کے لئے پنڈی سٹیڈیم آنے والے تماشائیوں کو اس وقت سخت مایوسی کا سامنا کرنا پڑا جب قومی ٹی ٹونٹی کپتان شاہد آفریدی ، ٹیسٹ کپتان مصباح الحق اور عالمی شہرت یافتہ آف سپنر سعید اجمل اپنی ٹیموں کی جانب سے ایکشن میں دکھائی نہیں دیے ۔

(جاری ہے)

ذرائع کا کہنا ہے کہ شاہد آفریدی نے کراچی کی جانب سے دو میچ کھیلے اور پھر وہ ایکشن میں دکھائی نہ دیے ۔ مصباح الحق اور سعید اجمل کی ٹیم ٹورنامنٹ سے باہر ہوچکی ہے اس لئے انہوں نے شرکت سے گریز کیا ۔ دریں اثناء ٹورنامنٹ کا مصروف شیڈول کھلاڑیوں کے لئے مسائل پیدا کررہا ہے اور کئی کھلاڑیوں کا شکوہ ہے کہ انہیں بارہ گھنٹے سے بھی کم وقت میں دوبارہ میچ کھیلنے کے لئے آنا پڑتا ہے ۔ کرکٹرز نے شکایت کی ہے کہ بورڈ نے پیسہ کمانے اور کم وقت میں ٹورنامنٹ مکمل کرنے کی وجہ سے کھلاڑیوں کے آرام کو بھی اہمیت نہیں دی ۔

Facebook Twitter Google + Share on Whatsapp

قومی ٹی ٹونٹی ٹورنامنٹ میں سٹار کرکٹرز کی دلچسپی کم ہونے لگی

مزید کھیلوں کی خبریں