افغانستان میں امن کے خواہاں اور برادرانہ تعلقات کے حامی ہیں،پاکستانی ایجنسیوں کے افغانستان میں حملوں میں ملوث ہونے کی خبروں میں کوئی صداقت نہیں ، دفتر خارجہ
جمعرات 8 اکتوبر 2015 16:33
اسلام آباد( اُردو پوائنٹ اخبار تازہ ترین۔ 08 اکتوبر۔2015ء) پاکستان نے کہا ہے کہ افغانستان میں امن کے خواہاں اور برادرانہ تعلقات کے حامی ہیں،پاکستانی ایجنسیوں کے افغانستان میں حملوں میں ملوث ہونے کی خبروں میں کوئی صداقت نہیں ہے، بھارتی انتہا پسندجماعت شیوسینا کی پاکستانی فنکاروں کو دھمکیوں کا معاملہ افسوسناک اور ثقافتی تعلقات کے لیے خطرناک ہے ، خود کو سب سے بڑی جمہوریت اور سیکولر ملک کہنے والے بھارت کو اقلیتوں کے حقوق کا تحفظ کرنا چاہیے، پاکستانی مسافروں کو سمجھوتہ ایکسپریس پرسوار ہونے سے روکنے کے معاملے جائزہ لے رہے ہیں،جلد حقائق سامنے لائے جائیں گے، پاکستان اپنی سرزمین پر داعش کا وجود کسی صورت برداشت نہیں کرے گا۔
جمعرات کو یہاں ہفتہ وار پریس بریفنگ کے دوران ترجمان دفتر خارجہ قاضی خلیل اللہ نے کہا کہ پاکستان افغانستان میں امن کا خواہاں ہے اور پڑوسی ملک کے ساتھ برادرانہ تعلقات حامی ہے۔(جاری ہے)
انہوں نے پاکستانی ایجنسیوں کے افغانستان میں حملوں میں ملوث ہونے کے الزام کو مسترد کرتے ہوئے کہا کہ ایسی خبروں میں کوئی صداقت نہیں ہے۔افغانستان سے پاکستان کیخلاف بیانات آتے رہے ہیں۔
انہوں نے کہا کہ ہندو انتہا پسند جماعت شیو سینا کا پاکستانی فنکاروں کو دھمکیاں دینا افسوسناک ہے۔انہوں نے کہا کہ دونوں ممالک کے درمیان ثقافتی تبادلے تعلقات میں بہتری کے لیے ضروری ہیں جبکہ بھارتی حکومت کو اس کا نوٹس لینا چاہئے۔بھارت میں گائے کے گوشت پر پابندی کے حوالے سے ترجمان دفتر خارجہ نے کہا کہ بھارت خود دنیا بھر میں گائے کا گوشت برآمد کرنے والا دوسرا بڑا ملک ہے اور بڑے گوشت کی برآمد گائے کو ذبح کیے بغیر ممکن نہیں ہے۔پاکستانی مسافروں کوسمجھوتہ ایکسپریس پر سوار ہونے سے روکنے کے معاملے سے متعلق انہوں نے کہا کہ اس معاملے کا جائزہ لے رہے ہیں اور جلد حقائق سامنے لائے جائیں گے۔ ترجمان دفتر خارجہ نے کہا کہ خود کو سب سے بڑی جمہوریت اور سیکولر ملک کہنے والوں کو اقلیتوں کے حقوق کا بھی تحفظ کرنا چاہیے اور ان کی سیکیورٹی کو یقینی بنانا چاہیے۔منیٰ حادثے میں پاکستانیوں کے جاں بحق ہونے والوں کے حوالے سے انہوں نے بتایاکہ سانحے میں 89 پاکستانی جاں بحق ہوئے،جبکہ 5 زخمی اور 43 لاپتہ ہیں۔
قاضی خلیل اللہ نے کہا کہ سعودی حکومت سانحہ منیٰ کے حوالے سے پاکستان کے ساتھ بھرپور تعاون کر رہی ہے اس حوالے سے حکومت پاکستان کو اطمینان ہے جبکہ لاپتہ پاکستانیوں کی تلاش کے لیے تمام ممکنہ وسائل بروئے کار لائے جارہے ہیں۔امریکا کے جوہری تعاون بارے امریکی اخبار 'واشنگٹن پوسٹ' کی رپورٹ سے متعلق قاضی خلیل اللہ نے کہا کہ پاکستان جوہری توانائی کے حصول کے لیے بین الاقوامی تعاون چاہتا ہے لیکن اس تعاون کے لیے امتیاز نہ برتا جائے اور سول نیو کلیئر تعاون سب کے لیے غیر امتیازی ہونا چاہیے۔پاکستان میں داعش کی موجودگی سے متعلق ایک سوال انہوں نے کہاکہ پاکستان اپنی سرزمین پر داعش کا وجود کسی صورت برداشت نہیں کرے گا، دہشت گردی کسی بھی صورت میں ہو اس کی مخالفت کرتے ہیں۔ داعش کی کوئی چیز اسلامی نہیں کہ انہیں آئی ایس آئی ایل یا آئی ایس آئی ایس کہا جائے۔ ایک اور سوال پر ترجمان نے کہا کہ شام کے حوالے سے پاکستان کا موقف اصولی ہے، شام میں قتل و غارت گری کے خلاف ہیں اور مسئلے کے مذاکرات کے ذریعے سیاسی حل کے خواہاں ہیں۔مزید اہم خبریں
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
ماہ ذی القعدہ کے چاند کی رویت کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.