وزیراعلیٰ خیبرپختونخوا کی کوہستان میں بارشوں سے تباہ شدہ انفراسٹرکچر کی مستقل بنیادوں پر بحالی کیلئے منصوبہ وضع کرنے کی ہدایت
حکومت بارشوں سے ہونیوالے نقصانات کا باقاعدہ سروے کریگی ،غیر قانونی ،ناجائز تعمیرات کی صورت میں ہر گز کسی کو معاوضہ ادا نہیں کیا جائیگا جنگلوں کی بے دریغ کٹائی بھی بارشوں اور سیلابوں کا سبب بن رہی ہے لوگ ندی نالوں کے کنارے تعمیرات سے گریز کریں،پرویزخٹک کاتقریب سے خطاب
جمعرات 7 اپریل 2016 19:42
پشاور(اُردو پوائنٹ اخبارتازہ ترین - این این آئی۔07 اپریل۔2016ء) وزیراعلیٰ خیبرپختونخوا پرویز خٹک نے ضلع کوہستان میں حالیہ بارشوں سے تبادہ شدہ سڑکوں اور انفراسٹرکچر کی مستقل بنیادوں پر بحالی کیلئے منصوبہ وضع کرنے کی ہدایت کی ہے اور اس مقصد کیلئے ضروری وسائل کی فراہمی کایقین دلایا ہے وہ پٹن ضلع کوہستان اور شانگلہ میں بارشوں سے ہونے والے نقصانات کے فضائی اور زمینی جائزے کے بعد متاثرین کے ایک اجتماع سے خطاب کر رہے تھے سپیکر صوبائی اسمبلی اسد قیصر، مشیر برائے وزیراعلیٰ عبد الحق، معاون خصوصی عبد المنعم خان، ممبر صوبائی اسمبلی شوکت یوسفزئی اور ڈی جی پی ڈی ایم اے اُن کے ہمراہ تھے اجتماع سے وزیراعلیٰ کے مشیر عبد الحق اور مولانا کریم داد نے بھی خطاب کیا مقررین نے متاثرہ علاقے کا دورہ کرنے پر وزیراعلیٰ کا شکریہ ادا کیا ڈپٹی کمشنر کوہستان نے وزیراعلیٰ کو بتایا کہ ضلع میں حالیہ بارشوں سے 14 افراد ہلاک اورمتعدد زخمی ہو چکے ہیں جبکہ انفراسٹرکچر کو شدید نقصان پہنچا ہے انہوں نے وزیراعلیٰ کو متاثرین کی مدد اور بحالی کیلئے جاری سرگرمیوں سے آگاہ کیا وزیراعلیٰ نے اپنے خطاب میں کہاکہ وہ متاثرین کی دلجوئی اور اُن کے نقصانات کے ازالے کیلئے آئے ہیں انہوں نے کہاکہ موجودہ حکومت نے قدرتی آفات کے متاثرین کیلئے ایک موثر نظام وضع کیا ہے جس کے تحت قدرتی آفات کی صورت میں خود بخود بحالی کا عمل اور متاثرین کو معاوضہ ملنا شروع ہو جاتا ہے وزیراعلیٰ نے ڈپٹی کمشنر کوہستان کو متعلقہ محکموں کی مدد سے بحالی کے کام کو مزید تیز کرنے کی ہدایت کرتے ہوئے نقصانات کے اندازے اور مستقل بحالی کیلئے منصوبہ تشکیل دینے کا حکم دیا انہوں نے واضح کیا کہ حکومت بارشوں سے ہونے والے نقصانات کا باقاعدہ سروے کرے گی اور غیر قانونی اور ناجائز تعمیرات کی صورت میں ہر گز کسی کو معاوضہ ادا نہیں کیا جائے گا وزیراعلیٰ نے کہاکہ صوبے کو مستقل طور پر سیلاب کی تباہ کاریوں سے بچانے کیلئے مرکزی حکومت کے تعاون سے منصوبہ تشکیل دیا جارہا ہے وزیراعلیٰ نے سیلاب کی تباہ کاریوں پر افسوس کا اظہار کرتے ہوئے کہا کہ اس سلسلے میں انسانی کوتاہیوں اور غلطیوں کا بڑا ہاتھ ہے انہوں نے کہاکہ 2010 کے سیلاب کی تباہ کاریوں کے سروے سے ثابت ہو ا تھا کہ تجاوزات اس کا سب سے بڑا سبب ہیں اسی طرح اُنہوں نے کہا کہ جنگلوں کی بے دریغ کٹائی بھی بارشوں اور سیلابوں کا سبب بن رہی ہے اُنہوں نے لوگوں سے اپیل کی کہ ندی نالوں کے کنارے تعمیرات سے گریز کریں اور پانی کے بہاو کو روکنے سے اجتناب کریں اس طرح انہوں نے سیلابوں کی روک تھام اور زمینی کٹاؤ روکنے کیلئے زیادہ سے زیادہ شجرکاری کی تلقین کی انہوں نے کہاکہ صوبے میں ایک ارب پودے لگائے جارہے ہیں جن میں سے پچاس کروڑ اس سال کے اختتام تک لگائے جائیں گے انہوں نے کہاکہ اگر ہر آدمی ایک درخت لگائے تو ملک کی تقدیر بدل سکتی ہے انہوں نے لوگوں سے بلین ٹری سونامی پراجیکٹ میں زیادہ سے زیادہ حصہ لینے کی اپیل کی۔
(جاری ہے)
متعلقہ عنوان :
مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.