ہمارا حج کوٹہ بحال کیا جائے یا پھرصدر اور وزیر اعظم کا حج کوٹہ بھی ختم کیا جائے،قائمہ کمیٹی مذہبی امور کے اجلاس میں ارکان کمیٹی حج پالیسی پر عملدرآمدکے جائزہ ، حجاج کی مشکلات کے حل کیلئے تجاویز دینے کے بجائے اپنے حج کوٹے کا رونا روتے رہے
چیئرمین کمیٹی نے ارکان اسمبلی کا حج کوٹہ ختم کرنے بارے حکومتی موقف مسترد کردیا ممبران کو نئے سرے سے کوٹہ سسٹم کو بحال کرنے کے حوالے سے کمیٹی کا ہنگامی اجلاس 2ستمبر کو طلب، وفاقی وزیر اور سیکرٹری مذہبی امور کو قابل عمل لائحہ عمل کے ساتھ اجلاس میں شرکت کی ہدایت
پیر 22 اگست 2016 19:10
اسلام آباد(اُردو پوائنٹ اخبارتازہ ترین - آئی این پی۔22 اگست ۔2016ء) قومی اسمبلی کی قائمہ کمیٹی برائے مذہبی امور میں ارکان کمیٹی حج پالیسی پر عملدرآمدکا جائزہ لینے یا حجاج کی مشکلات کے حل کیلئے تجاویز دینے کے بجائے اپنے حج کوٹے کا رونا روتے رہے ، ارکان کمیٹی نے کہا کہ ہمارا حج کوٹہ بحال کیا جائے یا صدر اور وزیر اعظم کا حج کوٹہ بھی ختم کیا جائے، ارکان نے وفاقی وزیر مذہبی امور سردار محمد یوسف پر بھی سنگین الزامات عائد کرتے ہوئے کہا کہ انہوں نے اپنے وزارتی اختیارات اپنے بھانجے کو تفویض کر رکھے ہیں ،جو ہارڈشپ کوٹہ کی بندر بانٹ کر رہا ہے، ارکان اسمبلی کو ہارڈ شپ کوٹہ میں سے صرف 2افراد فی رکن اسمبلی دینا زیادتی ہے کم از کم ایک رکن اسمبلی کو 3افراد کا حج کوٹہ دیا جائے ،قائمہ کمیٹی کے چیئرمین حافظ عبد الکریم نے ارکان اسمبلی کے حج کوٹہ کے خاتمہ بارے حکومتی موقف مسترد کرتے ہوئے ارکان کو نئے سرے سے کوٹہ سسٹم کو بحال کرنے کے لیے کمیٹی کا ہنگامی اجلاس 2ستمبر کو طلب کر لیا جس میں مذہبی امور کے وفاقی وزیر اور سیکرٹری کو قابل عمل لائحہ عمل کے ساتھ اجلاس میں شرکت کی ہدایت کر دی ،پیر کو قومی اسمبلی کی قائمہ کمیٹی برائے مذہبی امور کا حافظ عبدالکریم کی زیر صدارات اجلاس ہوا ،شاہدہ اختر علی نے کہا کہ ایم این ایز کے لیے حاجیوں کے لیے مختص کوٹے پر عملدرامد نہیں ہو رہا،وزارت مذہبی امور کو بے اختیار کر دیا گیا ہے، اب سب اختیار ایک بھانجے کے ہاتھ میں دیا گیا ہے،ممبران اسمبلی کے ساتھ نہایت گھمنڈ کا رویہ اپنایا جا رہا ہے،ہم اس رویہ کے خلاف تحریک استحقاق بھی لائیں گے،عبدالغفار ڈوگرنے کہا کہ ہم تو کہتے ہیں کہ بے شک ارکان پارلیمنٹ کا حج کوٹہ ختم کر دیں،لیکن پھر نہ صدر کا نہ وزیر اعظم کا کوئی بندہ حج کوٹہ پر جائے،لیکن حج کوٹہ کی بندر بانٹ نہ مناسب ہے،وزیر مذہبی امور کو جواب دینا پڑے گا کہ کون کون حج کوٹہ پر گیا،شگفتہ جمانی نے کہا کہ ہم بار بار وزارت کے چکر لگاتے ہیں لیکن نہ وزیر ملتے ہیں ، نہ سیکریٹری فون اٹھا تا ہے ،بتایا جائے کہ وی وی آئی پی فلائٹ کب جائے گی، وزیر مملکت مذہبی امور پیرامین الحسنات نے کہا کہ اس سال کوئی وی ائی پی فلائٹ حج پر نہیں جا رہی ہے،گزشتہ برس کوئی حج کوٹہ نہیں تھا،وزیر اعظم کی ہدایت پر رواں برس قومی اسمبلی اور سینیٹ ارکان کو دو ،دوافراد کا حج کوٹہ دیا گیا ہے،کمیٹی ارکان کو یقین دلاتا ہوں ایک دو روز میں ممبران کے کوٹہ کا معاملہ حل کرنے کی کوشش کرونگا،علی محمد خان کہا کہ وفاقی وزیر مذہبی امور برطانیہ گئے ہوئے ہیں جبکہ حج پروازوں کی روانگی کا سلسلہ مکمل ہونے والا ہے،کیا برطانیہ میں دوسرا کعبہ کہلا ہوا ہے،اجلاس میں نہ وزارت مذہبی امور کے سیکرٹری آئے اور نہ جوائینٹ سیکرٹری موجود ہے،حج قریب ہے مگرکمیٹی کے ایجنڈے پر حج کے معاملات شامل ہی نہیں.وزارت مذہبی امور کمیٹی سے سوتیلی ماں کا سلوک کررہی ہے.حج کے معاملات پر حج سے قبل ایک اور اجلاس بلایا جائے۔
(جاری ہے)
مزید اہم خبریں
-
وزیراعظم کو لاعلم رکھ کر 98 ارب کی گندم درآمد کرلی گئی
-
صدرمملکت آصف علی زرداری نے پنجاب ، خیبر پختون خواہ اوربلوچستان کے گورنرز کی تقرری کی منظوری دے دی
-
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی یونیورسٹیوں کے آپس میں روابط ہیں، مسعود خان
-
تین ہزار آبادی والا یوکرینی گاؤں، ان دنوں روس کے نشانے پر
-
ٹرانس فیٹس، انسانی صحت کے خاموش دشمن
-
وزیر مواصلات عبدالعلیم خان کا سمبڑیال،کھاریاں موٹروے کا فضائی دورہ
-
بھارتی دہشت گردی کینیڈا اور امریکا تک پھیل گئی، منیراکرم
-
وزیراعلیٰ مریم نواز نے پنجاب بھر کیلئے فری میڈیسن ڈیلیوری پراجیکٹ کا افتتاح کردیا
-
حنیف عباسی سے کوئی شکوہ نہیں،سیاست میں نوک جھونک ہوتی رہتی ہے، انوارالحق کاکڑ
-
چیئرمین پی اے سی کا معاملہ،پی ٹی آئی رہنماﺅں نے شیر افضل مروت کی مخالفت کر دی
-
وزیر خارجہ سے نائجیرین ہم منصب کی ملاقات ،اقتصادی تعاون مزید مضبوط بنانے پر اتفاق
-
فوجی عدالتوں کے 20 مقدمات کے فیصلے سپریم کورٹ میں جمع کرانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.