ْسیاسی بحران سے نمٹنے کیلئے حکومت کی جانب سے غیر ملکی حکومتوں سے مدد مانگنے کی کوشش ناکام

حکومت کی جانب سے امیر متحدہ عرب امارات، سعودی فرمانروا اور انگلینڈ و امریکی حکومتوں سے رابطے کرکے مدد مانگنے کی کوشش کی گئی مگر ان کی جانب سے مثبت جواب نہیں آیا

جمعرات 13 جولائی 2017 23:50

ْسیاسی بحران سے نمٹنے کیلئے حکومت کی جانب سے غیر ملکی حکومتوں سے مدد ..

اسلام آباد(اُردو پوائنٹ اخبارتازہ ترین - آن لائن۔ 13 جولائی2017ء) سیاسی بحران سے نمٹنے کیلئے حکومت کی جانب سے غیر ملکی حکومتوں سے مدد مانگنے کی کوشش ناکام ہو گئی ہے۔ نجی ٹی کے مطابق حکومت نے پاناما کیس جے آئی ٹی کی حتمی رپورٹ کے بعد پیدا ہونے والے سیاسی بحران سے نکلنے کیلئے یر ملکی حکومتوں سے مدد مانگنے کی کوشش کی ہے۔ حکومت کی جانب سے امیر متحدہ عرب امارات، سعودی فرمانروا اور انگلینڈ و امریکی حکومتوں سے رابطے کرکے مدد مانگنے کی کوشش کی گئی ہے۔

(جاری ہے)

تاہم ان تمام ممالک کی حکومتوں کی جانب سے حکومت پاکستان کے رابطوں کا کوئی جواب نہیں دیا گیا۔ رپورٹ کے مطابق یہ تمام ممالک وزیراعظم نواز شریف کو مزید مدد فراہم کرنے کیلئے اب تیارنہیں ہیں۔ واضح رہے کہ وزیراعظم نواز شریف کے متحدہ عرب امارات کے شاہی خاندان سے قریبی تعلقات رہے ہیں تاہم قطر بحران کے بعد نہ صرف پاکستان اور متحدہ عرب امارات جبکہ شریف اور اماراتی شاہی خاندان کے تعلقات میں بھی کشیدگی دیکھنے میں آئی ہے۔ جبکہ یہ بھی یاد رہے کہ وزیراعظم کیلئے سب سے بڑی مشکل بھی اماراتی حکومت کی جانب سے پاناما کیس جے آئی ٹی کو آف شور کمپنیوں کی دستاویزات فراہم کرکے پیدا کی گئی ہے۔