مارچنگ بینڈز کے فروغ کیلئے سپرنگ فیسٹیول 2018ء میں باقاعدہ مقابلے منعقد کروائے جائیں گے‘جہانگیر خانزادہ
مقامی بینڈز کو انٹر نیشنل لیول پر متعارف کروانے کے لیے سرکاری طور پر معاونت فراہم کی جائے گی‘صوبائی وزیر کھیل کا تقریب سے خطاب
منگل 20 فروری 2018 18:06
(جاری ہے)
اس موقع پر ان کے ساتھ سیکرٹری سپورٹس،یوتھ افیئرز،آرکیالوجی اینڈ ٹورازم پنجاب عامر جان، مینیجنگ ڈائریکٹر ٹورازم اینڈ ڈویلپمنٹ کارپوریشن احمر ملک، چیئرمین مارچنگ امن بینڈ ڈاکٹر سعد سکندر، سینیئرپروڈیوسر پی ٹی وی اور ڈائریکٹر "بینڈ، باجا اور پاکستان" راشد منیر،لاہور چیمبر آف کامرس وویمن ونگ کی صدر فلاحت عمران بھی موجود تھیں۔
"بینڈ باجا اور پاکستان"سے متعلق اپنی رائے کا اظہار کرتے ہوئے صوبائی وزیر نے کہا کہ ڈاکومینٹری میں بینڈز کی تاریخ ،اس شعبہ سے متعلق افراد اور بالخصوص بینڈ باجے بجانے والوں کے اپنے پیشے متعلق خیالات سن کر احساس ہوا کے ہم ایک عرصہ سے اتنے اہم شعبہ کو نظر انداز کیے ہوئے ہیں ۔ لیکن اب زیادہ دیر تک ایسا نہیں رہے گا۔ انھوں نے کہا کہ بینڈز قومی آواز ہیں جو دنیا میں پاکستان کے پرامن تصور کو اجاگر کرنے کا مفید ذریعہ ہیں ۔ ان کی بین الاقوامی شناخت کے لیے اپنا کردار ضرور ادا کریں گے ۔ صوبائی وزیر نے کہا کہ پاکستان کو پر امن بنانے کے لیے بہت سی قربانیاں دے چکے ہیں اب وہ دن دور نہیں جب دہشت گردی کا وطن عزیز سے مکمل خاتمہ ہو جائے گا۔ سیکرٹری سپورٹس و یوتھ افیئرزعامر جان نے بینڈز کے فروغ کے لیے ڈاکٹر سعد سکندر کے کردار کو سراہتے ہوئے ڈاکومینٹری کی لانچ کو بہترین کاوش قرار دیا ۔ انھوں نے کہا کہ محکمہ ٹورازم پنجاب مارچنگ بینڈز کے فروغ کے لیے نہ صرف مالی معاونت بلکہ ادارتی سرپرستی کے لیے بھی تیار ہے۔ اس مقصد کے لیے محکمے کی جانب سے ڈاکٹر سعد سکندر کے ساتھ ہر طرح کا تعاون کیا جائے گا۔ ڈاکٹر سعد سکندر نے کہا کہ بینڈز ہماری ثقافت کا اہم حصہ ہیں جو شادی بیاہ کی تقریبات سے لیکر خراج عقیدت پیش کرنے تک ہر موقع پر موثر کردار ادا کرتے ہیں۔ "بینڈ باجا اور پاکستان-"کی دیگر ممالک میں نمائش پاکستان کے امیج بہتر بنائے گی اور بینڈز کی اہمیت کو اجاگر کرے گی۔ انہوں نے شرکاء کو بتایا کہ پاکستان ملٹری بینڈز کی تعداد کے حوالے سے دنیا کا دوسرا بڑا ملک ہے جو ہماری افواج کے پُرامن ہونے کی دلیل ہیں۔ ر اشد منیر نے ڈاکومینٹری کے مختلف پہلوئوں پر روشنی ڈالتے ہوئے ڈاکٹر سعد سکندر اور ٹوازم ڈویلپمنٹ کی جانب سے کیے جانے والے تعاون پر ان کا شکریہ ادا کیا اور شرکاء کو بتایا کہ بینڈ باجا اور پاکستان کو آئندہ سال آسکر ایورڈ میں مقابلے کے لیے پیش کیا جائے گا۔ اُنھوں نے اُمید ظاہر کی کہ بیرونی دُنیا پاکستان کے تصور کو رد کر کے امن دوستی اور بھائی چارے کو سراہے گی۔ تقریب میں مختلف سکولوں کے بچوں اور پنجاب کے مقبول ملٹری، پولیس اور پرائیویٹ بینڈز نے اپنی پرفارمنس پیش کی۔ آخر میں صوبائی وزیر کی جانب سے پرفارمنس پیش کرنے والے سات بینڈز کے لیے وزیر اعلیٰ پنجاب کی جانب سے 10,10ہزار کے انعام کا اعلان کیا گیا اور ڈاکومینٹری کے پروڈیوسر اور TDCPکے افسران میں تعریفی اسناد تقسیم کی گئیں۔ ٹورازم ڈویلپمنٹ کارپوریشن پنجاب کے ایم ڈی نے صوبائی وزیر اور مختلف بینڈز کی تقریب میں شرکت پر ان کا شکریہ ادا کیا اور مستقبل میںکارپوریشن کی جانب سے مکمل تعاون کی یقین دہانی کروائی۔متعلقہ عنوان :
مزید کھیلوں کی خبریں
-
محمد حارث نے ٹیم میں واپسی کے لیے پی آر مہم چلائی ‘ احمد شہزاد کا الزام
-
ملکی تاریخ میں پہلی بار آسٹریلین والی بال ٹیم پاکستان کا دورہ کرے گی
-
فیملی کے ساتھ باہر جاؤں اور جب کوئی ’چاچو‘ کہے تو عجیب لگتا ہے، افتخاراحمد
-
پوری ٹیم بابر اعظم کو سپورٹ کر رہی ہے، سب کی نظریں ہم پر ہیں، مایوس نہیں کرینگے ، قومی کرکٹرز
-
اب چاہے کچھ بھی ہوجائے میں اکیلی ہی کافی ہوں، ثانیہ مرزا
-
باکسر عامر خان ایک دن کیلئے اعزازی کیپٹن بن گئے
-
محمد حارث نے ایسی کوئی پرفارمنس نہیں دی جو اسے پاکستانی ٹیم میں رکھا جائے : احمد شہزاد
-
رستم زماں گاما پہلوان کا یوم پیدائش 22 مئی کو منایا جائے گا
-
بابر اعظم پاکستان کو ٹی ٹونٹی ورلڈ کپ جتوانے کی صلاحیت رکھتے ہیں ،عماد وسیم کا دعویٰ
-
منیبہ علی کے ٹی ٹوئنٹی انٹرنیشنل میں ایک ہزار رنز مکمل
-
پاکستان کی اوپننگ جوڑی کا مسئلہ بابر اور رضوان نہیں بلکہ صائم ہے : شاہد آفریدی
-
محسن نقوی کی قذافی سٹیڈیم،نیشنل بینک سٹیڈیم کراچی اور راولپنڈی سٹیڈیم کی اپ گریڈیشن کیلئے انٹرنیشنل کنسلٹنٹ کی خدمات لینے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.