ْفاسٹ فوڈز ، کولڈ ڈرنکس، چائے،چینی اور گوشت کا زیادہ استعمال کینسر کا باعث بنتا ہے‘مقررین

لاہو (اُردو پوائنٹ اخبارتازہ ترین - این این آئی۔ 19 مارچ2018ء)فاسٹ فوڈز ، کولڈ ڈرنکس،چائے، چینی اور گوشت کا زیادہ استعمال کینسر کا باعث بنتا ہے،پھلوں اور سبزیوں کا زیادہ استعمال کینسر سے محفوظ رکھتا ہے ۔ان خیالات کا اظہار پروفیسر ڈاکٹر محمد احمد بھٹی ،پروفیسر ڈاکٹر افسر امام زیدی،پروفیسر ڈاکٹر سجاد حسن خان،ڈاکٹر عبدالوحید قریشی،ڈاکٹر محمد اقبال،ڈاکٹر طارق شاکر ،حکیم حبیب الرحمن،ڈاکٹر سلطان محمود،ڈاکٹر نصیر احمد،ڈاکٹر مرزا اعجاز بیگ،ڈاکٹر ضمیر جعفری،ڈاکٹرمحمود الرحمن،ڈاکٹر محمدعامر،ڈاکٹر عبدالمجید،ڈاکٹرمحمد ابو بکر،ڈاکٹرحفیظ الرحمن،ڈاکٹرمحمد رمضان ہاشمی،ڈاکٹر اختر،حکیم محمدافضل میو،حکیم نذیر احمد قصوری اور دیگر نے پاکستان اورینٹل سوسائٹی آف ہیلتھ کیئر پروفیشنلز کے زیر اہتمام ہمدرد سینٹر لٹن روڈ، لاہور میں کینسر کی دیکھ بھال اور علاج کے حوالے سے خطاب کرتے ہو ئے کیا۔

(جاری ہے)

انہوں نے بتایا کہ کینسر ایک مہلک مرض ہے جس کا ایلو پیتھک میں علاج موجود نہیں البتہ کینسر میں مبتلا مریض کو اینٹی بائیو ٹیک دے کر زندگی میں اضافہ کیا جا سکتا ہے جبکہ متبادل طریقہ ہائے علاج ہومیو پیتھک ،یونانی اینڈ ایورویدک ،طب نبویؐ ،حجامہ ، آکو پنکچر اور علاج بالغذا کے ذریعے کینسر کا علاج کیا جا سکتا ہے ۔تقریب میں ڈاکٹر ثاقب علی ،ڈاکٹر عاشق مشتاق،حکیم بشیر مغل،حکیم فیض علی سمیت ڈاکٹرز ،لیڈی ڈاکٹر ز اور حکماء کی کثیر تعداد نے شرکت کی ۔