مری آرٹس کونسل کے زیراہتمام انٹرنیشنل فیملی ڈے کے سلسلے میں مذاحیہ سٹیج ڈرامہ ’’ خاندان ‘‘ پیش

منگل 15 مئی 2018 21:16

مری۔ (اُردو پوائنٹ اخبارتازہ ترین - اے پی پی۔ 15 مئی2018ء) فنون لطیفہ کے فروغ اور فن کی ترویج و ترقی کے لیے مری آرٹس کونسل کے زیراہتمام انٹرنیشنل فیملی ڈے کے سلسلے میں مذاحیہ سٹیج ڈرامہ ’’ خاندان ‘‘ کا انعقاد آڈیٹوریم مری آرٹس کونسل جناح روڈ، مری میں ہوا۔ ۔

(جاری ہے)

ڈرامہ کی تحریر وہدایات یارمحمد کی تھیں اور راولپنڈی /اسلام آباد کے معروف فنکارجھلک علی، نایاب خان، شاہد بھولا، انجم عباسی ، علی شان، نور خان ، نعیم ٹوٹا اور یار محمد خان نے بڑی خوبصورتی سے اپنے فن کا مظاہرہ کیا جس کو حاضرین کی کثیر تعداد نے دیکھا اور پسند کیا ۔

نمایاں شخصیات میں مرزا طارق ایس ڈی او پروونشیل بڈنگ مری، مرزا سہیل بیگ نائب صدر مسلم لیگ (ن) مری سٹی ، لیبر یونین مسلم لیگ (ن)کے جنرل سیکرٹری عبدالوحید ،ڈاکٹر کبیر ستی سول ہسپتال مری، محمد نواب عباسی پروپرائٹر لاہور بک ڈپو مری کے علاوہ میڈیا معززین شہر کی کثیر تعداد نے شرکت کی اور مری آرٹس کونسل کو خوبصورت پروگرام پیش کرنے پر مبارکباد دی۔محمد شکور اسسٹنٹ ڈائریکٹر مری آرٹس کونسل نے تمام شرکاء کا شکریہ ادا کیا۔