ماہ صیام سے تقویٰ و پرہیز گاری کا درس ملتاہے ‘ڈاکٹرراغب حسین نعیمی

رمضان المبارک میں ہمیں زیادہ سے زیادہ عبادات کا اہتمام کرنا چاہیے ‘ناظم اعلیٰ جامعہ نعیمیہ

بدھ 16 مئی 2018 23:36

لاہور (اُردو پوائنٹ اخبارتازہ ترین - این این آئی۔ 16 مئی2018ء) جامعہ نعیمیہ کے ناظم اعلیٰ وممبر اسلامی نظریاتی کونسل علامہ ڈاکٹر محمدراغب حسین نعیمی نے کہاہے کہ ماہ صیام سے تقویٰ و پرہیز گاری کا درس ملتاہے ،رمضان المبارک کے بابرکت مہینے میں ہمیں زیادہ سے زیادہ عبادات کا اہتمام کرنا چاہئے ،رمضان میں قرآن سے تعلق بڑھانا چاہئے،اس مقدس مہینے میں جہنم کے دروازے بند اور جنت کے دروازے کھول دیئے جاتے ہیں۔

ان خیالات کااظہارانہوں نے گزشتہ روزمام صیام کی آمدپر اپنے پیغام میں کیا۔

(جاری ہے)

انہوں نے مزید کہاکہ رمضان قرآن کا مہینہ ہے اور قرآن عظیم الشان کے اندر ہمارے لئے مکمل ہدایت اور ہر قسم کی رہنمائی موجود ہے۔ روزہ کا مقصد روح کو بیدار کرنا اور ضبط نفس ہے۔روزہ انسان میں تقویٰ پیدا کرتا ہے اور اللہ کو تقویٰ بے حد پسند ہے۔ رمضان کی ساعتوں، رحمتوں اور برکتوں کو زیادہ سے زیادہ سمیٹا جائے۔ رمضان رحمتوں اور برکتوں کا مہینہ ہے۔ رمضان نزول قرآن کا مہینہ ہے۔رمضان المبارک کا پیغام پریشانیوں سے نجات اور اللہ سے تعلق مضبوط کرتاہے۔رمضان المبارک ہمیں موقع فراہم کرتا ہے کہ اپنی زندگیوں کو سنوار سکیں۔