لیونل میسی کا جادو ایک بار پھر نہ چل سکا،

ماسکو (اُردو پوائنٹ اخبارتازہ ترین - این این آئی۔ 22 جون2018ء) لیونل میسی کا جادو ایک بار پھر نہ چل سکا، کروشیا نے ارجنٹینا کوتین۔صفر سے شکست دے دی جس کے بعد ارجنٹینا کی دوسرے رائونڈ میں رسائی مشکل ہوگئی ہے۔ جبکہ کروشیا نے اگلے مرحلے کے لئے کوالیفائی کرلیا۔تفصیلات کے مطابق ورلڈ کپ فٹبال میں گروپ ’ڈی‘ کے میچ میں پہلے ہاف میں ارجنٹینا اور کروشیا فاروڈز نے گول کرنے بھرپور کوشش کی لیکن کوئی بھی ٹیم گول کرنے میں کامیاب نہیں ہوسکی اور پہلا ہاف بغیر کسی گول کے برابری پر ختم ہوا۔

دوسرے ہاف کے 58ویں میں منٹ نے کروشیا کے مڈفیلڈر اینٹے ریبک نے گیند گول میں پھینک کر اپنی ٹیم کو برتری دلادی،ریبک کا کروشیا کی جانب سے دوسرا انٹرنیشنل جبکہ اگست 2013ء کے بعد پہلا گول ہے۔

(جاری ہے)

ایک گو ل کے خسارے میں جانے کے بعد ارجنٹینا نے کئی متبادل کھلاڑی میدان میں اتارے لیکن گول کرنے میں کامیاب نہ ہوسکی۔80ویں منٹ میں لوکا موڈرچ کو گول کرنے کا موقع ملا، جو انہوں ضائع نہیں کیا اورپاورفل کک لگاکر بال گول میں پھینک دی۔

میچ ختم ہونے سے چند منٹ قبل ایوان ریکی ٹچ نے ایک اور گول کرکے اسکور تین۔صفر کردیا۔پہلے گروپ میچ میںارجنٹینا اور آئس لینڈ کے درمیان مقابلہ ایک، ایک گول سے برابر رہا تھا۔گروپ ڈی‘ میں کروشیا کے 6پوائنٹس کے ساتھ ٹاپ پر ہے جبکہ ارجنٹینا اور آئس لینڈ کا ایک، ایک پوائنٹس ہے ،ْنائیجیریا کی ٹیم کوئی پوائنٹ حاصل نہیں کرپائی۔