سری لنکن بلے باز کوسل پریرا فٹنس مسائل کے باعث انگلینڈ کے خلاف ون ڈے سیریز کے بقیہ میچز سے باہر، کوسل مینڈس طلب

بدھ 17 اکتوبر 2018 18:42

کولمبو ۔ (اُردو پوائنٹ اخبارتازہ ترین - اے پی پی۔ 17 اکتوبر2018ء) سری لنکن بلے باز کوسل پریرا فٹنس مسائل کے باعث انگلینڈ کے خلاف رواں ون ڈے انٹرنیشنل کرکٹ سیریز سے باہر ہو گئے، ان کی جگہ کوسل مینڈس کو ٹیم میں طلب کر لیا گیا۔

(جاری ہے)

کرکٹ سری لنکا کی طرف سے جاری کردہ بیان کے مطابق کوسل پریرا انگلینڈ کے خلاف کھیلے گئے دوسرے ایک روزہ میچ کے دوران ران کی انجری میں مبتلا ہوئے تھے جس کی وجہ سے وہ تیسرا ون ڈے بھی نہیں کھیل سکے تھے، ڈاکٹرز نے پریرا کی انجری کا جائزہ لینے کے بعد انہیں مکمل آرام کا مشورہ دیا ہے جس کے باعث وہ انگلینڈ کے خلاف شیڈول آخری دو ون ڈے میچز کیلئے بھی ٹیم کو دستیاب نہیں ہو سکیں گے، ان کی جگہ کوسل مینڈس کو سکواڈ میں شامل کر لیا گیا ہے۔