عالمی سنوکر چیمپئن شپ، پاکستانی کیوئسٹس محمد آصف، محمد بلال اور بابر مسیح مینز ایونٹ میں (کل) مہم کا آغاز کریں گے

پیر 19 نومبر 2018 18:26

ینگون ۔ (اُردو پوائنٹ اخبارتازہ ترین - اے پی پی۔ 19 نومبر2018ء) آئی بی ایس ایف ورلڈ سنوکر چیمپئن شپ میں پاکستانی کیوئسٹس محمد آصف، محمد بلال اور بابر مسیح مینز ایونٹ میں (کل) منگل کو ابتدائی میچز سے مہم کا آغاز کریں گے۔

(جاری ہے)

میانمار میں شروع ہونے والی چیمپئن شپ میں مینز ایونٹ میں پاکستانی کیوئسٹ محمد آصف کو گروپ بی، بابر مسیح کو گروپ سی جبکہ محمد بلال کو گروپ ایف میں رکھا گیا ہے۔ محمد آصف (آج) منگل کو منگولین کیوئسٹ کے خلاف ابتدائی میچ میں ایکشن میں نظر آئیں گے، گروپ سی میں بابر مسیح کو ابتدائی میچ میں ملائیشین کیوئسٹ کوک لیونگ کا چیلنج درپیش ہو گا جبکہ گروپ ایف میں محمد بلال ابتدائی میچ میں آئرش کیوئسٹ گریگ کے خلاف صلاحیتوں کے جوہر دکھائیں گے۔