وفاقی وزیر تعلیم شفقت محمود سے آسٹریلین ہائی کمشنر کی ملاقات

پیر 20 مئی 2019 18:11

اسلام آباد ۔ (اُردو پوائنٹ اخبارتازہ ترین - اے پی پی۔ 20 مئی2019ء) وفاقی وزیر تعلیم شفقت محمود سے آسٹریلین ہائی کمشنر مارگریٹ ایڈمسن نے پیر کو ملاقات کی۔ ملاقات کے دوران وفاقی وزیر تعلیم نے آسٹریلین ہائی کمشنر کو تعلیم کے شعبے میں ہونے والی اصلاحات سے آگاہ کیا۔

(جاری ہے)

وزیر تعلیم شفقت محمود نے کہا کہ شرح خواندگی کو بڑھانا اور سکول سے باہر بچوں کو سکولوں میں لانا اہم ترجیحات ہیں، اسلام آباد میں گیارہ ہزار بچے سکولوں سے باہر تھے، جن میں چھ ہزار بچوں کو سکولوں میں لا چکے ہیں۔

انہوں نے کہا کہ شرح خواندگی میں خاطر خواہ اضافے کے لیے ملک گیر مہم شروع کر رہے ہیں، سکل ٹریننگ پرکام کر رہے ہیں۔ انہوں نے کہا کہ بینظیر انکم سپورٹ پروگرام کے ساتھ مل کر تعلیم کے میدان میں کام کر رہے ہیں، پورے ملک میں یکساں نصاب تعلیم پر کام کر رہے ہیں۔ اس موقع پر آسٹریلین ہائی کمشنر نے تعلیم کے شعبے میں کی جانے والے اقدامات کی تعریف کی۔

Facebook Twitter Google + Share on Whatsapp

وفاقی وزیر تعلیم شفقت محمود سے آسٹریلین ہائی کمشنر کی ملاقات

متعلقہ عنوان :

مزید اہم خبریں