میرے بھائی علی نور کی صحت بہتر ہو رہی ہے، گٹارسٹ علی حمزہ

اتوار 7 جولائی 2019 11:25

اسلام آباد ۔ (اُردو پوائنٹ اخبارتازہ ترین - اے پی پی۔ 07 جولائی2019ء) پاکستانی راک بینڈ ’’نوری ‘‘ کے گٹارسٹ علی حمزہ نے کہا ہے کہ ’’نوری‘‘ بینڈ کے گلوکار و میرے بھائی علی نور خطرے سے باہر ہیں اور ان کی صحت اب بہتر ہو رہی ہے۔

(جاری ہے)

علی حمزہ نے ٹوئٹر پر اپنے بھائی علی نور کے جگر کے عارضے میں مبتلا ہونے کے بعد صحت کے حوالے تازہ ترین صورتحال بتاتے ہوئے مداحوں سے درخواست کی کہ وہ علی نور کی صحت کے حوالے سے کسی قسم کی قیاس آرائیوں سے گزریز کریں جب تک ہماری طرف سے کوئی باقاعدہ بیان نہیں آجاتا۔

ان کا کہنا تھا کہ کہا کہ علی نور کی صحت اب بہتر ہو رہی ہے اور وہ خطرے سے باہر ہیں، انہیں جگر کی پیوندکاری کی ضرورت نہیں پڑی بلکہ ان کا جگر علاج کے بعد ٹھیک ہو رہا ہے۔ انہوں نے مداحوں سے علی نور کی جلد اور مکمل صحت یابی کے لئے دعا کی اپیل کرتے ہوئے کہا کہ اللہ بہت مہربان ہے۔