فیس بک کے بعد ٹوئٹر نے بھی ڈائریکٹ میسج میں ایموجیز ری ایکشن کو شامل کرلیا

صارفین ایموجی ری ایکشن کے آپشن تک رسائی حاصل کے لیے میسج پر ڈبل ٹیپ کرکے بھی اسے حاصل کر سکتے ہیں،بیان

جمعہ 24 جنوری 2020 16:39

فیس بک کے بعد ٹوئٹر نے بھی ڈائریکٹ میسج میں ایموجیز ری ایکشن کو شامل ..

نیویارک(اُردو پوائنٹ اخبارتازہ ترین - این این آئی۔ 24 جنوری2020ء) مقبول ترین سوشل میڈیا پلیٹ فارم فیس بک کے نقش و قدم پر چلتے ہوئے مائیکرو بلاگنگ سائٹ ٹوئٹر نے ڈائریکٹ میسج میں ایموجیز ری ایکشن کو شامل کرلیا۔غیرملکی خبررساں ادارے کے مطابق ٹوئٹر کے آفیشل پیج کی جانب سے اعلان کیا گیا کہ ایپ کا یہ نیا فیچر دنیا بھر میں صارفین کے لیے پیش کردیا گیا ہے۔

اس فیچر کو استعمال کرنے کے لیے یا تو آپ اسکرین پر موجود دل اور پلس آئیکن کو ٹیپ کرسکتے ہیں جو موصول ہونے والے ہر پیغام کے دائیں طرف ہوگا یا آپ ایموجی ری ایکشن کے آپشن تک رسائی حاصل کرنے کے لیے میسج پر ڈبل ٹیپ کرکے بھی اسے حاصل کر سکتے ہیں۔اگر کسی صارف کے پاس ڈائریکٹ میسج میں ایموجی ری ایکشن کا آپشن نہیں آرہا تو وہ ایپ کا اپ ڈیٹڈ ورڑن ڈاؤن لوڈ کرکے اس نئے فیچر کو استعمال کر سکیں گے۔

(جاری ہے)

ٹوئٹر میں شامل کیے جانے والے اس فیچر میں 7 ایموجی ری ایکشن رکھے گئے ہیں جن میں ہنسنے والا ایموجی، اداس ایموجی، دل، آگ اور انگھوٹے والا ایموجی شامل ہے۔یہ نیا فیچر موبائل ایپ اور ٹوئٹر ویب دونوں ہی پر دستیاب ہے تاہم نئے فیچر سے لطف اندوز ہونے کے لیے صارفین اپنی ایپ کو اپڈیٹ کرلیں۔واضح رہے کہ فیس بک ایپ پر کمنٹس اور میسجز کے لیے ایموجی ری ایکشن کا فیچر موجود ہے۔