ماہ ربیع الاوّل پوری دنیاکیلئے امن وسکون کاگہوارہ ہے،سنی عوامی تحریک

کوئٹہ(اُردو پوائنٹ اخبارتازہ ترین - آن لائن۔ 20 اکتوبر2020ء)سنی تحریک عوامی کے صوبائی چیف آرگنائزر علامہ علی نوازالقادری نے سبی میں غلام فریدقادری کے گھرمنعقدہونے والی محفل نعت سے خطاب کرتے ہوئے کہاکہ ماہ ربیع الاوّل پوری دنیاکیلئے امن وسکون کاگہوارہ ہے عشقان رسول ﷺ بڑے احتمام سے اس بابرکت اورمتبرک ماہ کاادب واحترام کرتے نذرونیازکرتے اپنے گھروں ،محلوں ،گلیوں اوربازاروں کوسجاتے اوربڑھ چڑھ کرمحافل میلادسمیت درودوسلام کے نذرانے پیش کرتے ہیں کیونکہ عالم اسلام اپنے نبی کریم ﷺ کی خوشی بڑی دھوم دھام سے مناتے ہیں انہوں نے کہاکہ اس ماہ کی بارہ تاریخ کودنیاکاسب سے بڑاجشن منایاجاتاہے جس میں کڑوروں مسلمان شریک ہوتے ہیںجس کوجشن عیدمیلادالنبی ﷺ کے نام سے پہچاناجاتاہے اس دن محافل میلاد کے انعقادپرعوام الناس بڑھ چڑھ کرحصّہ لیتے ہیں اوراپنے عشق رسول ﷺکواجاگرکرنے کیلئے اپنے گھروں ،دکانوں،گلیوں اوردفاترمیں محافل میلادکاانعقادکراتے ہیں کیونکہ نبی کریم ﷺ کی سیرت ہی امن وسلامتی کی ضامن ہے حکمرانوں کوچاہیئے کہ امن وسکون کیلئے ملک میں نظام مصطفی ﷺ کے نفاذکااعلان کریںانہوں نے مزید کہاکہ عیدمیلادالنبی ﷺ کے پرمسرت موقع پرسرکاری عمارتوں کوبرقی قمقموں سے آراستہ کیاجائے اورسرکاری سطح پرمحافل نعت کے خصوصی پروگرامزمنعقدکرکے عوام میں نبی کریم ﷺ کی محبت وعظمت کواجاگرکرنے کیلئے اقدامات کیئے جائیں تاکہ عوام میں عیدمیلادالنبی ﷺ کے پرمسرت موقع پرمزید شعوراجاگرہوسکے۔