توہین آمیز خاکوں کے خلاف کویت، قطر سمیت سعودی عرب میں فرانس کی مصنوعات کا بائیکاٹ

پیر 26 اکتوبر 2020 19:54

جدہ (اُردو پوائنٹ اخبارتازہ ترین - آن لائن۔ 26 اکتوبر2020ء) فرانس میں حضور اکرم صلی اللہ الیہ والہ وسلم کی توہین پر مبنی خاکوں کی ایک مرتبہ پھر سے تشہیر کرنے پر عرب ممالک سے سخت رد عمل آگیا ہے۔ غیر ملکی خبر رساں ادارے کے مطابق کویتی دکانداروں نے فرانس کی مصنوعات کا مکمل بائیکاٹ کردیاہے۔ دکانداروں نے اپنی دکانوں نے فرانس کی اشیائ ہٹا دی ہیں۔

کویت کی نجی آرگنائزیشنز نے جمعہ کے روز فرانس کی اشیائ کا بائیکاٹ کرنے کا مراسلہ بھی جاری کردیاہے۔

(جاری ہے)

اس بڑی تنظیم میں کویت کی ستر سے زائد تنظیمیں شامل ہیں ، دکانوں اور سپرسٹورز پر فرانسیسی کمپنی کی تمام مصنوعات بالخصوص بالوں اور چہرے کے تحفظ اور خوب صورتی کے لیے استعمال ہونے والی اشیائ کو شیلفوں سے اتار دیا گیاہے۔ یونین کے صدر کا کہنا ہے کہ فرانس کی تمام مصنوعات کو تمام صارف اپنے طور پر بھی ہٹارہے ہیں۔ ہم نے آزادانہ فیصلہ کیاہے۔ فرانس کو اس سے ایک پیغام دینا ہے کہ وہ ایسے کام کو ہر صورت روکے۔ ہم اپنے پیغمرصلی اللہ الیہ وسلم کی توہین برداشت نہیں کریں گے۔