صدف نے نورے کی ماں ہونے کی حیثیت سے خود کو ثابت کیا‘ شہروز

صدف میری بہنوں سے بہت محبت کرتی ہے، اس کا میری بہنوں سے کافی قریبی رشتہ ہے

منگل 27 جولائی 2021 22:20

صدف نے نورے کی ماں ہونے کی حیثیت سے خود کو ثابت کیا‘ شہروز
کراچی (اُردو پوائنٹ اخبارتازہ ترین - این این آئی۔ 27 جولائی2021ء)اداکار شہروز سبزواری کا کہنا ہے کہ ناصرف صدف میری بیٹی نورے سے بے حد محبت کرتی ہے بلکہ نورے کو بھی صدف سے عشق ہے۔

(جاری ہے)

ایک انٹرویو کے دوران میزبان فیضان شیخ نے شہروز سبزواری کو صدف کی تین خوبیاں بتانے کو کہا جس پر اداکار نے پہلی خوبی کا ذکر کرتے ہوئے کہا کہ صدف میں یہ بات اچھی ہے کہ یہ اپنا بہت زیادہ خیال رکھتی ہے۔دوسری خوبی کے بارے میں شہروز کا کہنا تھا کہ صدف میری بہنوں سے بہت محبت کرتی ہے، اس کا میری بہنوں سے کافی قریبی رشتہ ہے۔شہروز نے تیسری خوبی بتاتے ہوئے کہا کہ اس نے نورے کی ماں ہونے کی حیثیت سے خود کو ثابت کیا ہے، صدف نورے کی سگی ماں نہیں ہے لیکن پھر بھی نورے کا اس سے عشق کرنا میری جیت تھی۔