نوڈل لینے گیا، واپس آیا تو والدین کفن میں ملے، فلسطینی بچہ

بھائی کو اجتمائی قبر میں دفن کیا گیا، خواہش ہے کہ والدین واپس آجائیں،بچے کی گفتگو

اتوار 7 اپریل 2024 14:35

مقبوضہ غزہ (اُردو پوائنٹ اخبارتازہ ترین - این این آئی۔ 07 اپریل2024ء) غزہ میں اسرائیلی بمباری سے کئی خاندان اجڑ گئے۔غیرملکی میڈیا کے مطابق غزہ میں سیکڑوں بچے یتیم ہوگئے جبکہ کچھ بچے تنہا رہ گئے۔

(جاری ہے)

اپنے والدین اور بھائی کو کھونے والے غزہ کے محمد نامی بچے کی ایک انٹرویو کے دوران آواز بھر آئی ۔بچے نے کہا کہ رمضان بالکل اچھا نہیں گزر رہا۔ 29 اکتوبر کو والد نے قریبی اسٹور سے میگی لانے بھیجا اس دوران علاقے پر اسرائیلی بمباری ہوئی اور علاقہ قابل شناخت نہ رہا۔بچے نے کہا کہ والدین اسپتال میں کفن میں ملے، بھائی کو اجتمائی قبر میں دفن کیا گیا، خواہش ہے کہ والدین واپس آجائیں۔