پیرس اولمپکس 2024کے لیے آفیشل موبائل گیم ’’اولمپکس گو- پیرس 2024 ‘‘لانچ

بدھ 17 اپریل 2024 15:13

جنیوا (اُردو پوائنٹ اخبارتازہ ترین - اے پی پی۔ 17 اپریل2024ء) بین الاقوامی اولمپک کمیٹی (آئی او سی ) نے پیرس 2024 اولمپکس کے لیے آفیشل موبائل گیم ’’ اولمپکس گو- پیرس 2024 ‘‘لانچ کر دی ۔آئی او سی کے بدھ کو اعلان کے مطابق شائقین کو حقیقی معنوں میں اولمپک گیمنگ کا تجربہ فراہم کرنے کے لیے ’’ اولمپک گو-پیرس 2024 ‘‘ شروع کیا گیا ہے۔

(جاری ہے)

آئی او سی کی ٹیلی ویژن اور مارکیٹنگ سروسز کی ڈپٹی منیجنگ ڈائریکٹر الزبتھ الامان کے مطابق بریکنگ، فینسنگ، تیر اندازی، گولف اور تیراکی جیسے کھیل شائقین کے لیے کھیلنے کے لیے دستیاب ہیں جبکہ وہ گیم کے دوران پیرس میں اولمپک مقامات کے آس پاس کے مشہور جگہوں کا بھی تجربہ کر سکتے ہیں، جو شہر کی تعمیر کے عناصر کے طور پر کھیلوں میں شامل ہیں۔

’’اولمپکس گو! پیرس 2024 ‘‘اولمپک گیمز کے اولمپک جذبے اور عالمی اپیل کو سمیٹتا ہے۔ انہوں نے کہا کہ موبائل گیم شروع کرنے کے لیے این وےکے ساتھ آئی او سی کا تعاون اولمپک برانڈ کے اائی او سی کے فروغ کی تازہ ترین پیشرفت ہے۔