ْصوبائی وزیر مال نذیر احمد عباسی کی زیر صدارت واسا ایبٹ آباد کے حوالے سے اجلاس کا انعقاد

بدھ 24 اپریل 2024 20:50

پشاور(اُردو پوائنٹ اخبارتازہ ترین - این این آئی۔ 24 اپریل2024ء) خیبر پختونخوا کے وزیر مال نذیر احمد عباسی کی زیر صدارت واسا ایبٹ آباد کے حوالے سے اجلاس انکے دفتر میں منعقد ہوا۔ اجلاس میں رکن صوبائی اسمبلی رجب علی عباسی، سی ای او واسا ایبٹ آباد سمیت متعلقہ حکام نے شرکت کی۔ اجلاس میں واسا ایبٹ آباد میں بہتری لانے کے ساتھ اس کے حل طلب مسائل کے حوالے سے شرکاء نے گفتگو اور تجاویز پیش کیں۔

(جاری ہے)

اجلاس میں شرکاء کو واسا ایبٹ آباد کی استعداد کار، کارکردگی اور درپیش مسائل و چیلنجز سے آگاہ کیا گیا۔ اجلاس میں گفتگو کرتے ہوئے صوبائی وزیر مال نذیر احمد عباسی کا کہنا تھا کہ واسا ایبٹ آبادکی استعداد کار بڑھانے کے لیے اقدامات کریں گے۔ تاکہ ایبٹ آبادکے عوام واسا سے بھرپور مستفید ہوسکیں۔ صوبائی وزیر نے کہا کہ بانی پی ٹی آئی کے وژن کے مطابق عوام کی حقیقی خدمت کیلئے کوشاں ہیں۔ انہوں نے واسا ایبٹ آباد کے ساتھہر قسم کی تعاون کی یقین دہانی کروائی۔