خیبرپختونخوا میں میٹرک کے ہونے والے امتحانات کے پرچے لیک ہونے کا سلسلہ جاری

ڈی آئی خان،بنوں اور مالاکنڈ تعلیمی بورڈز سے پیپرز آوٹ ہونے لگے

بدھ 24 اپریل 2024 20:50

پشاور(اُردو پوائنٹ اخبارتازہ ترین - این این آئی۔ 24 اپریل2024ء) خیبرپختونخوا میں میٹرک کے ہونے والے امتحانات کے پرچے لیک ہونے کا سلسلہ جاری ہے ۔ ڈی آئی خان،بنوں اور مالاکنڈ تعلیمی بورڈز سے پیپرز آوٹ ہونے لگے۔خیبرپختونخوا میں میٹرک کے ہونے والے امتحانات کے پرچے لیک ہونے کا سلسلہ جاری ہے ۔خیبرپختونخوا کے بیشتر تعلیمی بورڈز میں پیپر شروع ہونے سے قبل پیپر آوٹ ہونے کا تسلسل بھی جاری ہے ۔

ڈی آئی خان،بنوں اور مالاکنڈ تعلیمی بورڈز سے پیپرز آوٹ ہونے لگے۔۔

(جاری ہے)

ڈی آئی خان تعلیمی بورڈ اور مالاکنڈ کے زیر انتظام آج ہونے والے مطالعہ قرآن کے پرچے لیک ہو گئے۔ پیپرز آوٹ ہونے پر وزیر تعلیم خیبرپختونخوا فیصل ترکئی کا نوٹس بھی کیسی کام کا نہ رہا۔ کمشنر مالاکنڈ ڈویڑن انکوائری افسر مقرر ہونے کے بعد بھی پیپرز آوٹ ہونے کا سلسلہ نہ رک سکا۔ 20 ،22، 23 پیپر آوٹ ہونے کے بعد آج 24 اپریل کا پیپر آوٹ ہو گیا۔ پرچہ آوٹ ہونے کے معاملہ پر محکمہ تعلیم مکمل خاموش ہے۔ میٹرک امتحانات کے لیے بنایا گیا کوآرڈینیشن انفارمیشن ڈیسک بھی غیر فعال ہے ۔ ایبٹ آباد بورڈ کے انگلش پیپر میں غلطیاں سامنے آئیں تھیں ۔ آوٹ ہونے والے پرچہ ابھی تک کینسل نہیں کیے گئے۔