نازش جہانگیر نے بابر اعظم بارے سکرین شاٹ جعلی قرار دے دیا

کراچی (اُردو پوائنٹ اخبارتازہ ترین - این این آئی۔ 25 اپریل2024ء) اداکارہ نازش جہانگیر نے اپنے سے منسوب قومی کرکٹ ٹیم کے کپتان بابر اعظم سے متعلق بیان کو جعلی قرار دے دیا۔اداکارہ نے انسٹاگرام پر اپنی انسٹاسٹوری میں گردشی سکرین شاٹ شیئر کیا ہے۔نازش جہانگیر نے لکھا کہ یہ خبریں جعلی ہیں میں نے کسی بھی ٹرولنگ پر ایسا کوئی بیان یا ردعمل نہیں دیا کیونکہ یہ میری تربیت میں شامل نہیں ہے۔

(جاری ہے)

انہوں نے لکھا کہ یہ انتہائی افسوس کی بات ہے کہ یہ لوگ کیسے اپنا اصلی رنگ دکھا رہے ہیں یہ صرف مجھے ہی نہیں بابر اعظم کو بھی بدنام کر رہے ہیں۔اداکارہ نے لکھا کہ مجھے ایسے لوگوں پر بہت ترس آتا ہے، ان کی ٹرولنگ، بدنامی، گالیاں، ان میں سے کچھ بھی میرے لئے اہم نہیں ہے۔ میں یہ صرف اس لیے کہہ رہی ہوں کیونکہ میں کوئی بکواس نہیں سننا چاہتی کیونکہ آپ کے اور میرے کیلیبر میں بہت فرق ہے، اس لئے آپ لگے رہئے۔نازش جہانگیر نے واضح کیا کہ میری نظر میں سب کی ماں، بہن اور بیٹیاں قابل احترام ہیں۔