سعودی عرب،ٹرانزٹ ویزے پرآنے والوں کے لئے عمرہ پرمٹ

جمعہ 26 اپریل 2024 09:00

ریاض (اُردو پوائنٹ اخبارتازہ ترین - اے پی پی۔ 26 اپریل2024ء) سعودی وزارت حج وعمرہ نے کہا ہے کہ کسی بھی ویزے پر مملکت آنے والے عمرہ پرمٹ حاصل کر سکتے ہیں۔ عاجل نیوز کے مطابق وزارت حج و عمرہ کی جانب سے ایکس اکاونٹ پرعمرہ زائرین کے حوالے سے کہا ہے کہ بیرون ملک سے وزٹ، ورک، سیاحت، ٹرانزٹ ویزے پر آنے والے باآسانی عمرہ ادا کر سکتے ہیں۔

(جاری ہے)

مذکورہ ویزوں پرآنے والوں کو چاہیے کہ وہ عمرہ پرمٹ حاصل کرنے کےلیے ’نسک‘ ایپ پر اکاونٹ بنا کراس میں خود کو رجسٹرکریں تاکہ عمرہ پرمٹ حاصل کیا جا سکے۔

وزارت حج وعمرہ کا مزید کہنا تھا کہ عمرہ پرمٹ پر درج شدہ وقت اور تاریخ پرسختی سے عمل کیا جائے۔ مقررہ وقت پر مسجد الحرام میں پہنچیں۔واضح رہے عمرہ پرمٹ کا مقصد رش کو کنٹرول کرنا ہے تاکہ عمرہ زائرین کو کسی قسم کی دشواری کا سامنا نہ کرنا پڑے اور وہ باسانی عمرہ کے مناسک ادا کر سکیں۔