عازمین حج کو (کل) تک بذریعہ ایپ بائیو میٹرک کرانے کی ہدایت

جمعرات 17 اپریل 2025 22:53

عازمین حج کو (کل) تک بذریعہ ایپ بائیو میٹرک کرانے کی ہدایت
اسلام آباد (اُردو پوائنٹ اخبارتازہ ترین - این این آئی۔ 17 اپریل2025ء)وفاقی وزارتِ مذہبی امور نے کہا ہے کہ عازمین حج (کل)18 اپریل تک سعودی ویزا بائیو موبائل ایپ کے ذریعے بائیو میٹرک کر لیں۔ترجمان وزارتِ مذہبی امور کے مطابق اس کے بغیر ویزے کا اجراء نہیں ہو سکے گا۔

(جاری ہے)

ترجمان نے کہا کہ فنگر پرنٹ اسکین کرنے پر مشکل پیش آنے کی صورت میں سعودی تاشیر یا جیری آفس سے بائیو میٹرک کروا کر رسید اپنے پاس محفوظ رکھیں۔ترجمان نے کہا کہ پاک حج موبائل ایپ پر جن عازمینِ حج کو پاسپورٹ اور سفید بیک گرائونڈ والی تصویر اپ لوڈ کرنے کا پیغام ملا ہے وہ دی گئی ہدایت کے مطابق جلد از جلد اپنی تصویر اور پاسپورٹ اپ لوڈ کریں یا کسی مشکل صورت میں اپنے متعلقہ نجاز افسر کو واٹس ایپ کر دیں۔

متعلقہ عنوان :