خیبر پختونخوا اسمبلی میں (ن) لیگ کی ثوبیہ شاہد پر 2ہفتے تک اجلاس میں شرکت کی پابندی عائد

جمعہ 21 اگست 2026 20:05

پشاور (اُردو پوائنٹ اخبارتازہ ترین - این این آئی۔ 21 اگست2026ء) خیبر پختونخوا اسمبلی میں (ن) لیگ کی ثوبیہ شاہد پر 2ہفتے تک اجلاس میں شرکت کی پابندی لگا دی گئی۔

(جاری ہے)

صوبائی اسمبلی اجلاس میں سجاد بارکوال کی بانی پی ٹی آئی کی صحت سے متعلق گفتگو کے دوران ثوبیہ شاہد نے کورم کی نشاندہی کی، فضل الٰہی اور ثوبیہ شاہد کے مابین تلخ جملوں کا تبادلہ اور ایوان میں شور شرابہ ہوا۔ڈپٹی اسپیکر نے ایم پی اے ثوبیہ شاہد کو مسلسل بولنے پر تنبیہ کی اور ن لیگی رکن اسمبلی ثوبیہ شاہد کو ایوان سے نکالنے کی رولنگ دی۔انہوں نے کہا کہ ثوبیہ شاہد ایوان سے باہر جانے کیلئے تیار نہیں، میں نے رولز 227اور 229کے تحت ثوبیہ شاہد کو معطل کیا ہے۔