وائس چانسلر ویمن یونیورسٹی ملتان کی زیرصدارت تدریسی شعبہ جات کے سربراہان کا اجلاس

بدھ 30 ستمبر 2026 17:56

ملتان (اُردو پوائنٹ اخبارتازہ ترین - اے پی پی۔ 30 ستمبر2026ء) وائس چانسلر ویمن یونیورسٹی ملتان پروفیسر ڈاکٹر سیدہ شاہدہ بتول کی زیرصدارت متی تل کیمپس میں تدریسی شعبہ جات کے سربراہان کا اجلاس منعقد ہوا جس میں تعلیمی معیار، تدریس و تحقیق، طلبہ کو درپیش مسائل، انتظامی امور اور جاری تعلیمی سرگرمیوں کا تفصیلی جائزہ لیا گیا۔ بدھ کو منعقدہ اجلاس کا مقصد شعبہ جات کے درمیان رابطہ کاری بہتر بنانا اور تعلیمی معاملات کو مزید مؤثر انداز میں آگے بڑھانا تھا۔

اس موقع پر وائس چانسلر پروفیسر ڈاکٹر سیدہ شاہدہ بتول نے کہا کہ معیاری تدریس، جدید تحقیق اور طلبہ کی علمی و پیشہ وارانہ تربیت یونیورسٹی کی اولین ترجیح ہے۔ انہوں نے شعبہ جات کے سربراہان کو ہدایت کی کہ تدریسی معیار کی مسلسل نگرانی کے ساتھ طلبہ کے مسائل کے بروقت حل کو بھی یقینی بنایا جائے۔

(جاری ہے)

انہوں نے کہا کہ مضبوط تعلیمی ادارے کے لیے تمام شعبہ جات کا مربوط حکمت عملی کے تحت کام کرنا ضروری ہے۔

شعبہ جات کے سربراہان اساتذہ اور طلبہ کے درمیان مؤثر رابطے کو یقینی بنائیں اور ایسے اقدامات کریں جن سے طلبہ کی علمی، تحقیقی اور پیشہ ورانہ صلاحیتوں میں مزید نکھار پیدا ہو۔پروفیسر ڈاکٹر سیدہ شاہدہ بتول نے تدریسی عمل میں جدت اور تحقیق کے فروغ پر زور دیتے ہوئے کہا کہ موجودہ دور کے تقاضوں کے مطابق جدید علمی و تحقیقی رجحانات اپنانا ہوں گے۔ اجلاس میں طلبہ کو بہتر تعلیمی سہولیات کی فراہمی، تعلیمی سرگرمیوں کے بروقت نفاذ اور انتظامی امور پر بھی غور کیا گیا۔ وائس چانسلر نے کہا کہ یونیورسٹی کی ترقی تمام تدریسی و انتظامی شعبہ جات کی مشترکہ ذمہ داری ہے۔

Facebook Twitter Google + Share on Whatsapp

وائس چانسلر ویمن یونیورسٹی ملتان کی زیرصدارت تدریسی شعبہ جات کے سربراہان کا اجلاس

متعلقہ عنوان :

مزید تعلیم کی خبریں