ہزارہ یونیورسٹی مانسہرہ میں ’’صنفی بنیاد پر تشدد کی روک تھام ‘‘ کےموضوع پر سیمینار کاانعقاد

بدھ 30 ستمبر 2026 19:07

مانسہرہ (اُردو پوائنٹ اخبارتازہ ترین - اے پی پی۔ 30 ستمبر2026ء) ہزارہ یونیورسٹی مانسہرہ میں نوجوانوں میں قیادت اور بامعنی شرکت کے فروغ کے لیے ’’صنفی بنیاد پر تشدد کی روک تھام ‘‘ کے عنوان سے ایک روزہ سیمینار کا انعقاد کیا گیا۔

(جاری ہے)

بدھ کو منعقدہ سیمینار یواین ایف پی اے اور ایس آر ایس پی کے ہزارہ یونیورسٹی کے تعاون و سرپرستی جبکہ ڈسٹرکٹ یوتھ آفس مانسہرہ کی شراکت سے منعقد ہوا۔

سیمینار کا مقصد نوجوانوں میں قیادت کی صلاحیتوں کو اجاگر کرنا، انہیں معاشرتی مسائل کے حوالے سے آگاہی دینا اور صنفی بنیاد پر تشدد کے تدارک کے لیے ان کے مؤثر اور بامعنی کردار کو فروغ دینا تھا۔ڈسٹرکٹ یوتھ آفس مانسہرہ نوجوانوں کی مثبت، محفوظ اور بااختیار مستقبل کی تعمیر کے لیے اپنی کاوشیں جاری رکھے ہوئے ہے۔