Photos of 05 October 2024

ہفتہ 5 اکتوبر 2024 کی تصاویر

اسلام آباد، وزیراعظم شہباز شریف سے چئیرمین پیپلز پارٹی بلاول بھٹو زرداری اور امیر جماعت اسلامی حافظ نعیم الرحمن کی قیادت میں وفد ملاقات کر رہا ہے۔

کراچی، وزیراعلی سندھ سید مراد علی شاہ پولیو کے خاتمہ کیلئے جائزہ اجلاس کی صدارت کر رہے ہیں۔

لاہور، وزیراعلی پنجاب مریم نواز شریف پاکستان کے پہلے آٹزم سکول کا سنگ بنیاد رکھنے کے بعد دُعا مانگ رہی ہیں۔

راولپنڈی، تحریک انصاف کی جانب سے ممکنہ احتجاج کے باعث مری روڈ پر پیٹرول پمپ بند ہیں۔

اسلام آباد، پابندی کے باوجود ڈی چوک میں احتجاج کی غرض سے جانے والے پی ٹی آئی کارکنان کو پولیس گرفتار کر کے لے جا رہی ہے۔

اسلام آباد، پابندی کے باوجود ڈی چوک میں احتجاج کی غرض سے جانیوالی بانی پی ٹی آئی کی بہن علیمہ خان کو پولیس گرفتار کر کے لے جا رہی ہے۔

اسلام آباد، ریڈ زون میں احتجاجی مظاہرے کے اعلان کے پیش نظر ڈی چوک جانے والے راستے کو کنٹینرز لگا کر بند کیا گیا ہے۔

اسلام آباد، سینیٹر فیصل واوڈا ملکی صورتحال کے حوالے سے پریس کانفرنس کر رہے ہیں۔

لاہور، شہر میں کسی بھی ہنگامی صورتحال سے نمٹنے کیلئے کنٹینرز مینار پاکستان کے قریب کھڑے ہیں۔

لاہور، وزیر تعلیم پنجاب رانا سکندر حیات ذہین طلباء و طالبات کی مالی امداد کیلئے پنجاب یونیورسٹی میں ہونہار انڈرگریجویٹ سکالرشپ کا افتتاح کر رہے ہیں۔

لاہور، مسلم لیگ ن کے صدر میاں نواز شریف سے آسٹریلوی ہائی کمشنر نیل ہاکنز ملاقات کر رہے ہیں۔

اسلام آباد، ملائیشیا کے وزیراعظم انوار ابراہیم سے امیر جماعت اسلامی پاکستان حافظ نعیم الرحمن ملاقات کر رہے ہیں۔