ایف جی کالج آف ہوم اکنامکس لینڈ مینجمنٹ سائنسز ایف سیون ٹو کی پرنسپل کی عجیب منطق

اسلام آباد (اُردو پوائنٹ اخبارتازہ ترین - آن لائن۔ 05 جون2017ء) وزارت کیڈ کے زیر انتظام چلنے والے ایف جی کالج آف ہوم اکنامکس لینڈ مینجمنٹ سائنسز ایف سیون ٹو کی پرنسپل کی عجیب منطق ۔ مجھے امریکہ جانے کے لئے چھٹیاں نہ ملیں تو کوئی فیکلٹی ممبر چھٹی پر نہیں جائے گی ۔گرمائی سیزن کی چھٹیوں کے دورانیہ میں پرنسپل کے عارضی چارج کی حامی بھر کر انتظام نہ سنبھالنے پر پرنسپل ایف جی کالج آف ہوم اکنامکس اینڈ مینجمنٹ سائنسز ایف سیون ٹو ثمر ظفر نے تمام اساتذہ کی چھٹیاں منسوخ کر دیں ۔

طویل روزہ اور تپتی دھوپ میں بھی کالج بھر کی فیکلٹی بغیر کلاسسز کے اجراء کے کالج میں حاضر رہنے پرمجبور ہیں ۔چھٹی مانگنے یا بغیر وجہ کالج بلائے جانے پر احتجاج کرنے والی استانیوں کو پرنسپل کی طرف سے نوکری سے استعفی دے کر چھٹی پر جانے کے مشورے ملنے لگے ۔

(جاری ہے)

پرنسپل ثمر ظفر دوران چھٹیاں امریکہ جانا چاہتی ہیں انہیں بطور پرنسپل چھٹیوں میں بھی کالج آنا ہوتا ہے ۔

ان کی جگہ اور کسی دوسری ٹیچر کی طرف سے ذمہ داری نہ اٹھانے پر بطور سزا تمام کالج فیکلٹی کو کالج پہنچنا ضروری قرار دے رکھا ہے جبکہ کالج میں 26 مئی سے گرمیوں کی چھٹیوں کے سبب کلاسسز نہیں چل رہیں ۔آن لائن کو نام ظاہر نہ کرنے کی شرط پر کالج کی سینئر فیکلٹی ممبر کی دہائی ۔ تفصیلات کے مطابق ایف جی کالج آف ہوم اکنامکس اینڈ منیجمنٹ سائنسز ایف سیون ٹو کی پرنسپل ثمر ظفر کی طرف سے موسم گرما کی سیزنل چھٹیاں فیکلٹی ممبران کو یہ کہہ کر بند کر دی ہیں کہ یا تو تو لوگوں میں سے کوئی دو استانیوں دوران چھٹیاں قائم مقام پرنسپل کی ذمہ داریاں سنبھالو ۔

خواتین اساتذہ کی طرف سے گرمیوں کی چھٹیوں کے دورانیہ میں کالج حاضری سے انکار پر پرنسپل ثمر ظفر نے یہ کہہ کر تمام فیکلٹی کی چھٹیاں منسوخ کر دی کہ اگر میں کالج آئوں تو تم لوگ گھر کیوں بیٹھو ۔ جو بھی چھٹی کرے گی اس کو نوکری سے برخاستگی کا پروانہ جاری کر دیا جائے گا جس پر کالج کی 26 سے زائد خواتین اساتذہ کرام کالج میں کلاسسز نہ ہونے کے باوجود کالج حاضر ہونے پر مجبور ہو چکی ہیں ۔

کالج کی ہی ایک سینئر فیکلٹی ممبر نے نام ظاہر نہ کرنے کی شرط پر بتایا کہ میڈیم پرنسپل ان چھٹیوں میں امریکہ جانے پر تلی ہوئی ہں جبکہ بطور پرنسپل انکی ذمہ داری ہے کہ وہ دوران چھٹیوں میں دیگر انتظامی عملے کے ساتھ کالج کو وقت دیں ۔ گزشتہ پرنسپل بھی ارم اور راحیلہ نامی خواتین استانیوں کو پرنسپل کا عارضی چارج دے کر امریکہ چلی گئی تھیں ۔

رواں برس تمام فیکلٹی ممبران کی چھٹیاں منسوخ کرنے کے پیچھے وجہ عناد یہ ہے کہ کوئی بھی ٹیچر چھٹیوں کے دورانیہ میں ثمر ظفر کی جگہ بطور پرنسپل عارضی چارج کی ذمہ داری اٹھانے پر رضا مندی ظاہر نہیں کی ہے ۔جس کے سبب تمام فیکلتی ممبران کو بطور سزا کالج حاضر رہنے کا حکم دیا گیا ہے ۔ ترجمان وزارت کیڈ نے رابطہ کرنے پر موقف اختیار کیا کہ ان کے علم میں ایسی کوئی بات نہیں وہ معلومات سے آگاہی حاصل کرنے کے بعد ہی کوئی موقف دینے کے قابل ہوں گے ۔