- Home
- Education
- Educational News
- پنجاب حکومت کا میٹرک میں 78فیصد مارکس لینے والوں کو بھی مفت لیپ ٹاپ دینے کا اعلان
پنجاب حکومت کا میٹرک میں 78فیصد مارکس لینے والوں کو بھی مفت لیپ ٹاپ دینے کا اعلان
بدھ 10 ستمبر 2014 15:42
لاہور( اُردو پوائنٹ اخبار تازہ ترین۔10ستمبر۔2014ء) وزیر تعلیم ، امور نوجواناں و قانون پنجاب رانا مشہود احمد خاں نے کہا ہے کہ اس سال کالجوں اور یونیورسٹیوں کے ذہین طلباو طالبات کو گزشتہ برسوں کی طرح مفت لیپ ٹاپ فراہم کرنے کے علاوہ حکومت پنجاب نے میٹرک کے امتحانات میں 78فیصد یا اس سے زیادہ مارکس حاصل کرنے والے طلبا و طالبات کوبھی لیپ ٹاپ دینے کا فیصلہ کیا ہے،لیپ ٹاپ تقسیم کرنے کا کام اگلے 10دن میں شروع کردیا جائے گا۔
الحمرا لاہور میں برگد والنٹیرنیٹ ورک ،محکمہ امور نوجواناں پنجاب اوریونائیٹڈنیشن فنڈ فار پاپولیشن کے اشتراک سے انٹرنیشنل یوتھ ڈے اور اقلیتوں کے قومی دن کے سلسلے میں خصوصی تقریب سے خطاب میں رانا مشہود احمد خاں نے کہا کہ تعلیم کے بغیر کوئی معاشرہ ترقی نہیں کرسکتا۔(جاری ہے)
وزیراعلیٰ پنجاب محمد شہبازشریف کی قیادت میں پاکستان کے سب سے بڑے صوبہ پنجاب میں تعلیم کو پہلی ترجیح کے طور پر فروغ دیا جارہاہے۔
اس حوالے سے پنجاب میں حکمرانی کا ماڈل صحیح معنوں میں ترقی کا ماڈل ہے۔ انہوں نے کہا کہ پنجاب واحد صوبہ ہے جہاں ہر طبقے کے نوجوانوں کے مسائل کی تفصیل کے ساتھ نشاندہی کے بعد باقاعدہ یوتھ پالیسی لاگو کی گئی ہے جس کے تحت تعلیم کے شعبے میں بھرپور پیش رفت ہوئی ہے۔ پنجاب ایجوکیشن انڈوومنٹ فنڈ کے تحت 11ارب روپے کے فنڈسے 70ہزار طلبا طالبات اپنی تعلیم کا سلسلہ جاری رکھے ہوئے ہیں جبکہ صوبے کے دور افتادہ علاقوں اور شہروں کی پسماندہ بستیوں میں قائم پرائیویٹ سکولوں میں زیر تعلیم 15لاکھ غریب بچوں کو پنجاب ایجوکیشن فاؤنڈیشن کے ایجوکیشن واؤچرزکے ذریعے مفت تعلیم کی سہولت دی جارہی ہے۔ رانا مشہود احمد خاں نے اس بات پر اطمینان کا اظہار کیا کہ اس سال پنجاب کے سرکاری سکولوں میں داخلہ لینے کے رجحان کو فروغ ملا ہے کیونکہ حکومتی کوششوں کی بدولت پنجاب کے سرکاری سکولوں کا معیار تعلیم پرائیویٹ سکولوں سے بہتر بنانے میں خاطر خواہ کامیابی ہوئی ہے۔ انہوں نے بتایا کہ ہر سال پنجاب میں 25لاکھ بچے سرکاری سکولوں میں داخلہ لیتے ہیں لیکن اس سال 40لاکھ بچے سرکاری سکولوں میں داخل کئے گئے ہیں۔ رانامشہود احمد خاں نے قیام پاکستان میں اقلیتوں کے اہم کردار کو سراہتے ہوئے اس تجویز کی حمایت کی کہ پاکستان کے مختلف سماجی شعبوں میں نمایاں خدمات انجام دینے والے اقلیتی عمائدین کے بارے میں تعارفی میٹریل سکولوں کے تعلیمی نصاب میں شامل ہونا چاہیے ۔ انہوں نے اس موقع پر اقلیتوں کے حقوق سے متعلق قائداعظم محمد علی جناح کے فرمودات کو محض کتابی باتیں سمجھنے کی بجائے اپنی زندگی پر لاگو کرنے کی ضرورت پر زور دیا اور کہا کہ زندہ قوموں کا طریقہ یہی ہے کہ وہ آگے بڑھنے کے لیے دیانتدار ی اور سچائی اپنانے کے ساتھ ساتھ اپنے مزاج میں برداشت کا جذبہ اپناتے ہیں۔انہوں نے اس بات پر تشویش کا اظہار کیا کہ پاکستانی قوم عدم برداشت والا معاشرہ بنتی جارہی ہے اور خود کو لیڈر سمجھنے والے بعض لوگ تحقیق کی بجائے سنی سنائی بات پر جذبات میں آکر ایسے فیصلے کربیٹھتے ہیں جن کا نقصان پوری قوم کو اٹھانا پڑے گا۔ جنہیں اس بات پر فخر ہے کہ ان کے دھرنے کی وجہ سے چینی صدر کا دورہ پاکستان منسوخ ہوگیا، انہیں یہ احساس کیوں نہیں ہوتا کہ اس طرز عمل سے پاکستان کی معیشت کو جو دھچکا پہنچے گا اس سے کس کے ایجنڈے کی تکمیل ہوگی؟Browse Latest Health News in Urdu
پنجاب یونیورسٹی شعبہ پلانٹ پتھالوجی کے زیر اہتمام سیمینار
یونیورسٹی آف تربت کی جانب سے دو معزز فیکلٹی ممبران کے ٹریفک حادثے میں جاں بحق ہونے پر اظہارافسوس
گورنمنٹ کالج یونیورسٹی فیصل آباد کے طلباء وطالبات کا پارلیمنٹ ہاؤس کا دورہ
خیبرمیڈیکل یونیورسٹی پشاورکے تمام کیمپسزمیں یوم تکبیرمنایا گیا
خیبرمیڈیکل یونیورسٹی (کے ایم یو) میں 28 مئی یوم تکبیر کے حوالے سے تاریخی دن منایا گیا
تعلیمی بورڈ شہید بینظیرآباد کی جانب سے گیارہویں و بارہویں جماعت کے امتحانات کے دوران دفعہ 144 نافذ
علامہ اقبال اوپن یونیورسٹی نےرواں سال سمسٹر بہار میں داخل ہونے والے میٹرک اور ایف اے پروگرامز کے طلبہ ..
جامعہ بنوریہ عالمیہ آن لائن اجتماعی قربانی کا اہتمام
جامعہ کراچی میں طالبہ کے سر سے ڈوپٹہ کھینچنے پرطالب علم کا داخلہ منسوخ
علامہ اقبال اوپن یونیورسٹی کے مڈل ٹیک پروگرام کے امتحانات 8جون سے شروع ہوں گے، ترجمان
انٹر پارٹ ٹو انگریزی کا پرچہ،اصل امیدواروں کی جگہ پیپر حل کرتے2 جعلی امیدوار پکڑے گئے
ہوم اکنامکس یونیورسٹی کا مختلف شعبہ جات میں نئے اساتذہ بھرتی کرنے کا فیصلہ
پنجاب یونیورسٹی انسٹیٹیوٹ آف اپلائیڈ سائیکالوجی کے زیر اہتمام تیسری تقریب تقسیم اسناد کا انعقاد
پنجاب یونیورسٹی انسٹیٹیوٹ آف اپلائیڈ سائیکالوجی کے زیر اہتمام تقریب تقسیم اسناد
یونیورسٹی آف تربت کےشعبہ انگریزی کے بورڈ آف اسٹڈیز کا اجلاس
سندھ مدرستہ الاسلام یونیورسٹی کا کانووکیشن 29مئی کو منعقد ہوگا
لاہوربورڈ کی شہر بھر میں قائم 54 پرائیویٹ تعلیمی اداروں کے الحاق میں توسیع
پنجاب بھر کے سکولوں میں گرمیوں کی تعطیلات شروع
شاہ عبدالطیف یونیورسٹی میں ہیٹ سٹروک کیمپ کا انعقاد ، پانچ ہزار لوگ مستفید ہوئے
وومن انڈسٹریل ہوم زرعی یونیورسٹی فیصل آبادکے زیر اہتمام دو روزہ فن خطاطی ورکشاپ کا انعقاد
خوشحال خان خٹک یونیورسٹی کرک کا معذوری و نفسیاتی بہبود کے موضوع پر ایک روزہ سیمینار کا انعقاد
پنجاب یونیورسٹی فیکلٹی ممبر فنڈڈ لیڈر شپ پروگرام کے لیے منتخب
پنجاب یونیورسٹی انسٹیٹیوٹ آف اپلائیڈ سائیکالوجی کے زیر اہتمام تقریب تقسیم اسناد کل ہوگی
پنجاب یونیورسٹی امتحانی نتائج کا اعلان