Dosti Aik Anmool Rishta - Article No. 815

عائشہ مصطفی:
اگر آپ پریشان ہیں اداس رہتے ہیں۔ عدم اعتمادی اور احساس کمتری کا شکار ہیں۔ مستقبل کی طرف سے مایوس ہوچکے ہیں کوئی غمگسار نظر نہیں آتا تو حوصلہ نہ ہاریں ، مایوس نہ ہوں۔ صرف ایک کام کریں اپنی ناکامیوں پر آنسو نہ بہائیں۔ قسمت کو الزام نہ دیں اپنی کوتاہیوں پر خود مالمت نہ کریں کیونکہ خوش قسمتی اور کامیابی اگلے موڑ پر آپ کا انتظار کررہی ہے قدم بڑھائے اور خوش قسمتی کی اس خوبصورت دیوی کو گلے لگا لیجئے۔ یہ ہر مایوس اور نامرد انسان کی منتظر رہتی ہے۔ اس کا نام ہے․․․․دوستی“
ہر درد کی دوا، ہر دکھ کا علاج ، ہر کامیابی کا راستہ ، ہر بیماری کی صحت دوستی میں ہے۔ یہ وہ واحددوا ہے جو ہر ایک حاصل کر سکتا ہے۔ یہ انمول ہے اور اس کی صرف ایک قیمت ہے۔

(جاری ہے)

محبت جو ہر ایک ادا کرسکتا ہے۔

اس کے حصول کی صرف ایک ہی شرط ہے اگر آپ دوستی حاصل کرنے کے آرزو مند ہیں تو اپنی صحت کو غصے اور نفرت سے زیادہ مضبوط بنائیے۔ صداہمت کا رویہ اختیاز کیجئے کیونکہ تھوڑا سا جھک جانا ٹوٹ جانے سے بہتر ہے۔
اللہ سب سے زیادہ اس کو دوست رکھتا ہے جو اس کے بندوں کو دوست رکھتا ہو۔ (ارشاد نبوی)
بہترین دوست وہ ہے جو تمہاری لغزشوں کو فراموش کردے اور تمہارے احسانات کو یاد رکھے۔
یہ وہ انمول اصول ہیں جن کی پیروی کرنے والا سچے اور مخلص دوستوں سے کبھی محروم نہیں رہتا۔ دوستی کی راہ میں سب سے بڑی مشکل یہ حائل رہی ہے کہ ہم محبت کرنے کے بجائے صرف چاہے جانے کی آرزو رکھتے ہیں۔ اس رکاوٹ کو دور کر دیجئے ۔ آپ پڑھیے اپنے ساتھیوں ، رشتہ داروں ، پڑوسیوں اور ان تمام افراد سے جو رابطہ میں آتے ہیں محبت اور ہمدردی کا رویہ اختیار کریں ہر ایک سے شیریں زبان اور پیار کے لہجے میں مخاطب ہوں ، ہر اک کے دکھ میں شریک رہیں جس سے بھی ملیں مسکراکے ملیں ہر ایک سے تعاون کریں اور پھر دیکھیں کہ یہ زندگی کس طرح مسرتوں کا گہوارہ بن جاتی ہے ۔