پیسہ انسان کی عزت نفس ، وطن کی عزت سے بڑھ کر نہیں ہوتا،شان شاہد

لاہور(اُردو پوائنٹ اخبارتازہ ترین - این این آئی۔ 10 مئی2025ء)پاکستان شوبز انڈسٹری کے معروف اداکار شان شاہدنے کہاہے کہ پیسہ انسان کی عزت نفس اور وطن کی عزت سے بڑھ کر نہیں ہوتا۔شان شاہد نے سوشل میڈیا ویب سائٹ ایکس پر پاکستان اور بھارت کے درمیان جاری حالیہ کشدگی پر اپنے ردعمل کا اظہار کیا ہے۔

(جاری ہے)

نہوں نے اپنی پوسٹ میں لکھاکہ میں نے بھارت میں کبھی کام نہیں کیا اور ہمیشہ لوگوں کی توجہ پاکستان کے لیے بھارت میں موجود نفرت کی جانب دلوائی۔

اداکار نے لکھاکہ میں ہمارے فنکاروں کے وہاں جا کر کام کرنے اور ان کے فنکاروں کے یہاں آ کر کام کرنے کی ہمیشہ مخالفت کی۔انہوں نے لکھا کہ اب آپ سمجھ گئے ہوں گے کہ میں نے ایسا کیوں کیا ۔شان شاہد نے لکھا کہ پیسہ انسان کی عزت نفس اور وطن کی عزت سے بڑھ کر نہیں ہوتا۔