رہیں آباد ہر گھڑی لاہور

کبھی کھوتے اور کبھی ڈڈو کی آڑ میں لاہور کا مذاق اڑانے والے تمام دوستوں سے درخواست ہے کہ کم از کم اس طرح تو لاہور کے خلاف بھڑاس نہ نکالیں۔ آج یہ دیکھ کر بہت افسوس ہوا کہ سارا سوشل میڈیا ٹر ٹر کر رہا ہے اور کسی جوہر کا منظر پیش کر رہا ہے۔

(جاری ہے)

 میرے عزیزو! لاہورئیے اتنے بے وقوف نہیں کہ انہیں جو کھلا دو گے کھا لیں گے، دُنیا میں سب سے اچھے کھانے خود کھانے اور مہمانوں کو کھِلانے والے لاہورئیے ہی ہیں،دنیا کے کسی بھی ملک کے تفریحی یا سیاحتی مقام پر چلے جائیں لاہوری کھابہ نام کا ہوٹل ضرور ملے گا جہاں وہ سارے کھانے بنائے جاتے ہیں جو لاہور کی پہچان ہیں۔

 لاہور کی اپنی ایک تہذیب اور تاریخ ہے خدارا اُسے مسخ نہ کریں، جان لیں کہ یہ باقاعدہ سازش کے تحت پروپیگنڈہ کیا جاتا ہے جس پر بِنا سوچے سمجھے ڈرامہ بازی شروع ہو جاتی ہے۔ خدارا اس سلسلے کو بند کریں اور کوئی تعمیری کام کر لیں۔

رہیں آباد ہر گھڑی لاہور

تیرے چوپال، چائے خانے ترے

چشمِ بد سے رہیں سدا محفوظ

تیرے بازار، آستانے ترے