Route Tips in Urdu - Route Totkay - Tip No. 6339

چینی اور کوکنگ آئل کو گہرے پیالے میں ڈال کر الیکٹرک بیٹر کی مدد سے اتنی دیر پھینٹیں کہ وہ کریم کی شکل میں آجائے۔
سوجی کو چھان کر رکھ لیں ،خشخاش کو اچھی طرح صاف کرکے دھو کر خشک کر لیں ۔
بادام پستوں کو موٹا موٹا کوٹ لیں ،جائفل اور زعفران کو پیس کر گرم دودھ میں ملالیں۔
انڈوں کو بیٹر کی مدد سے ہلکا سا پھینٹیں اور اس میں پسی ہوئی الائچی ملا لیں۔
چینی اور کوکنگ آئل والے مکسچر میں پھینٹے ہوئے انڈوں کو ڈال کر ملائیں اور اس میں تھوڑی تھوڑی سوجی اور بادام پستے ڈال کر ملا لیں ۔
آخر میں اس میں جائفل اور زعفران ملا ہوا دودھ ڈال کر ملالیں۔
اس مکسچر کو بیکنگ پین میں چھوٹی چھوٹی پوریوں کی طرح تھوڑے تھوڑے فاصلے سے ڈال دیں۔
اوون کو180Cپر پندرہ سے بیس منٹ پہلے گرم کرلیں اور بیکنگ پین کو اس میں رکھتے ہوئے اوپر سے خشخاش اور تھوڑے سے بادام پستے چھڑک دیں۔ہلکا سا ہاتھ سے دبا کر اوون میں رکھ دیں ،بیس سے پچیس منٹ تک یا سنہراہونے تک بیک کرلیں۔