نجی تعلیم ادارے تعلیم کے فروغ میں اہم کرداراداکررہے ہیں،یاسین خلیل، معاشرے کے غریب طبقات سے وابستہ افراد کے بچوں کو تعلیمی دھارے میں لاکر نجی تعلیمی اداروں کے مالکان کلیدی کردار اداکر سکتے ہیں،مشیر وزیر اعلی خیبرپختونخوا
بدھ 19 فروری 2014 20:02
پشاور(اُردو پوائنٹ اخبار تازہ ترین۔19 فروری ۔2014ء) وزیر اعلیٰ خیبر پختونخوا کے مشیر برائے امداد بحالی ،آبادکاری اور ٹرانسپورٹ یاسین خان خلیل نے کہا ہے کہ نجی تعلیمی ادارے ملک میں باالعموم اور صوبہ خیبر پختونخوامیں باالخصوص تعلیم کے فروغ میں نہایت اہم کردار ادا کررہے ہے تاہم معاشرے کے غریب طبقات سے وابستہ افراد کے بچوں کو تعلیمی دھارے میں لاکر نجی تعلیمی اداروں کے مالکان کلیدی کردار اداکر سکتے ہیں انہوں نے ان خیالات کا اظہار ایک نجی تعلیمی ادارے مدینہ چلڈرن اکیڈمی کوہاٹ روڈ مدینہ کالونی پشاور کے افتتاح کے موقع پر منعقدہ تقریب سے بحیثیت مہمان خصوصی خطاب کرتے ہوئے کیا۔
انہوں نے کہا کہ موجودہ منتخب حکومت تعلیم کے شعبے کو خصوصی اہمیت دیتی ہے لہذٰ ا یہی وجہ ہے کہ رواں بجٹ میں تعلیم کے فروغ کیلئے خاطر خواہ رقم مختص کی گئی ہے جس کے نہایت بہتر نتائج اخذ ہونگے ۔(جاری ہے)
یاسین خلیل نے کہا کہ ماضی میں تعلیمی شعبے کو اُتنی اہمیت نہیں دی گئی جتنی چاہئے تھی تاہم پی ٹی آئی حکومت اس کی اہمیت اور افادیت کو ملحوظ خاطر رکھتے ہوئے اس شعبے میں واضح تبدیلی متعارف کرانے کی خاطر سنجیدہ کوششیں کر رہی ہیں اور آئندہ سال یکساں نظام تعلیم صوبے کے طول وعرض میں نافذ کر دیا جائے گا انہوں نے کہا کہ تعلیم کا حصول ہر بچے کا بنیادی حق ہے اور حکومت کے اصلاحاتی پروگرام اور اقدامات کے تحت مستقبل میں یہ حق ہر بچے کو دیا جائے گا انہوں نے اکیڈمی انتظامیہ کی تعلیمی فروغ میں دلچسپی ظاہر کرنے پر اُن کی ہر ممکن امداد کی یقین دہانی کرائی اور تعاون کا اظہار کیا قبل ازیں اکیڈمی آمد کے موقع پر اُن کا والہانہ استقبال کیا گیا جبکہ اُنہوں نے فیتہ کاٹ کر مدینہ چلڈرن اکیڈمی کا باضا بطہ افتتاح کیا اور ایک بچے کے داخلہ فارم پر دستخط کرکے داخلہ مہم کا افتتاح بھی کیا تقریب سے اکیڈمی کے ناظم نعمت خان نے بھی خطاب کیا اور اکیڈمی کے قیام کے اغراض ومقاصد بیان کئے اور مشیر برائے وزیر اعلیٰ یاسین خلیل کا تقریب میں شرکت کرنے پر اُن کا شکریہ ادا کیا۔
متعلقہ عنوان :
مزید قومی خبریں
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.