غیرت کے نام پر قتل۔ پاکستانی کو امریکا میں عمر قید کی سزا
ہفتہ 28 جون 2014 13:35
نیویارک(اُردو پوائنٹ تازہ ترین اخبار۔8 2جون 2014ء) ایک پاکستانی ٹیکسی ڈرائیور کی بیٹی اس وقت اپنے آنسوؤں کو ضبط نہ کرسکی جب وہ نیویارک کی ایک عدالت میں اپنے والد کے خلاف گواہی دینے کے لیے پہنچی تھی۔ ان کے والد پر الزام تھا کہ انہوں نے اس کے بوائے فرینڈ کے رشتہ داروں کو پاکستان میں قتل کیا تھا۔
اس مقدمے کی مدعی تیئس برس کی امینہ اجمل، محمد اجمل چوہدری کی بیٹی ہیں، جو اپنے والد کے خلاف گواہی دینے کے لیے آئی تھیں۔
پاکستان میں 2012ء کے دوران امینہ کی ارینج میرج میں شرکت کے بعد اجمل چوہدری اپنی بیٹی کو اس وقت پہلی بار دیکھا تھا، وہ بھی اس لمحے رو دیے ۔
(جاری ہے)
اس شادی کے فوراً بعد وہ اپنے محبوب شجاعت عباس اور امریکی محکمہ خارجہ کی مدد سے ملک سے نکلنے میں کامیاب ہوگئیں۔
اس بات پر ذلت محسوس کرتے ہوئے اجمل چوہدری نے مبینہ طور پر شجاعت عباس کے والد اور ان کی بہن کو قتل کروادیا۔
جب امریکی اسسٹنٹ اٹارنی ایمنڈا ہیکٹر نے ان سے کہا کہ کیا وہ جیوری کے لیے عدالت میں اپنے والد کی شناخت کرسکتی ہیں، تو امینہ دوبارہ صدمے سے نڈھال ہوگئیں۔
امینہ نے روتے ہوئے کہا ’’جی ہاں، وہ یہاں بیٹھے ہیں۔‘‘
انہوں نے جیوری کو بتایا کہ وہ نو سال کی عمر میں بروکلین آئی تھیں، پبلک اسکول میں ان کا داخلہ ہوا، اس کے بعد بشپ کیرنے ہائی اسکول میں پھر انہوں نے بروکلین کالج سے تعلیم حاصل کی۔
ان کے والد نے اپنے گاؤں چڑیاوالہ میں ایک نوجوان سے ان کی شادی کے لیے وعدہ کر رکھا تھا، لیکن امینہ کو پاکستا ن میں اپنی بہن کی شادی کے دوران شجاعت کے ساتھ محبت ہوگئی تھی۔
وہ اور شجاعت خفیہ طور پر فیس بک اور ای میلز کے ذریعے رابطے میں رہے۔ جب 2009ء میں ان کے والد اور چچا کو اس تعلق کے پھلنے پھولنے کا علم ہو تو انہیں امریکا واپس جانے سے روک دیا گیا۔
امینہ نے بتایا کہ ’’میرے والد نے مجھ سے کہا کہ میں بہت زیادہ امریکی ہو گئی ہوں، مجھے اپنی ثقافت سیکھنے کی ضرورت ہے۔‘‘
اجمل چوہدری کو جب امینہ کے پاس سے ایک موبائل فون ملا تو وہ بہت ناراض ہوئے تھے، اس فون کے ذریعے امینہ شجاعت کے ساتھ بات کیا کرتی تھیں۔
امینہ نے گواہی دی ’’میرے والد نے مجھ سے کہا کہ میں اب تمہارے بارے میں مزید کوئی شکایت سننا نہیں چاہتا۔ اگر تم نے کچھ غلط کیا تو میں تمہیں قتل کردوں گا۔‘‘
متعلقہ عنوان :
مزید اہم خبریں
-
ہیٹی: جنسی تشدد کو بطور جنگی ہتھیار استعمال کرنے پر تشویش
-
یو این اور شراکت داروں کی یمن کے لیے ہنگامی امدادی اپیل
-
سندھ کے آم کے باغات میں بیماری پھیلنے کا انکشاف
-
ن لیگی ایم پی اے کا متعدد افراد کے ہمراہ پی ٹی آئی ایم این اے کے گھر پر دھاوا
-
خلاء میں اسلحہ کی دوڑ روکنے پر سلامتی کونسل میں عدم اتفاق پر تشویش
-
سعودی ولی عہد کے دورہ پاکستان کا ممکنہ شیڈول سامنے آ گیا
-
بنگلہ دیش: گرمیوں میں زچہ و بچہ کی دیکھ بھال پر ہدایت نامہ جاری
-
روس نے کا فرانس، برطانیہ اور امریکا کی دھمکیوں کے جواب میں جوہری ہتھیاروں کی جنگی مشق کرنے کا اعلان
-
مذاکرات کا ماحول ہوگا تو بانی پی ٹی آئی سے مزید گائیڈ لائنز لوں گا
-
آزاد کشمیر کے بارے میں بھارتی راہنماﺅں کے اشتعال انگیز بیانات اور بلاجواز دعوے علاقائی امن کے لیے سنگین خطرہ ہیں. اسحاق ڈار
-
ڈمی اور غیرذمہ دار لوگوں سے بات نہیں کروں گا‘معلوم ہے کون طاقتور ہیں.علی امین گنڈاپور
-
نوجوانوں کو عدم برداشت اور غلط معلومات کو معاشرے میں پھیلانے والے شرپسند طبقوں کی بیخ کنی اور حوصلہ شکنی کرنے کیلئے اپنا کردار ادا کرنا چاہئے. احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.