چیئرمین پی سی بی کے تقرر کیس نے عدالت کو بھی گھما کر رکھ دیا
جمعہ 11 جولائی 2014 11:36
اسلام آباد(اُردو پوائنٹ تازہ ترین اخبار۔11جولائی 2014ء) چیئرمین پاکستان کرکٹ بورڈ کے تقرر کیس کی سماعت کے دوران عدالت نے قرار دیا ہے کہ پی سی بی کا آئین اور اعلامیہ مکمل طور پر غیر قانونی ہے، کیس عدالت میں زیر سماعت ہونے کے باوجود نیا آئین جاری کیا گیا۔ جسٹس انور ظہیر جمالی اور جسٹس ثاقب نثار پر مشتمل 2 رکنی بنچ نے چیئرمین پی سی بی تقرر کیس کی سماعت کی۔
دوران سماعت اٹارنی جنرل سلمان اسلم بٹ نے عدالت کو بتایا کہ ہم نے پی سی بی کا نیا آئین موزوں طریقے سے بنایا ہے جبکہ وزیراعظم نے کہا ہے کہ گورننگ باڈی کو چلنے دیا جائے اور جو عبوری سیٹ اپ بنا ہے اسے جوں کا توں رکھا جائے جس پر جسٹس ثاقب نثار نے ریمارکس دیتے ہوئے کہا کہ کیا آپ عدالت کو نیچا دکھانا چاہتے ہیں، عدالت میں کیس چل رہا ہے اور آپ نے پی سی بی کا آئین جاری کردیا اور کس قانون کے تحت نیا آئین بنایا گیا۔(جاری ہے)
اس موقع پر اٹارنی جنرل اور ججز کے درمیان جملوں کا تبادلہ جاری رہا، جسٹس ثاقب نے تجویز دی کہ نجم سیٹھی اور ذکااشرف دونوں کو ہی گورننگ باڈی میں شامل کرلیا جائے تو کیا خیال ہے جس پر اٹارنی جنرل کا کہنا تھا کہ پی سی بی کے آئین میں اس چیز کی گنجائش نہیں تاہم اس موقع پر موجود ذکا اشرف کے وکیل امتیاز صدیقی نے کہا کہ ایسے سیٹ اپ پر ہم راضی ہیں۔
سماعت کے دوران سابق چیئرمین پی سی بی نجم سیٹھی بھی عدالت میں موجود تھے، جسٹس انور ظہیر جمالی نے کہا کہ ذکا اشرف اور نجم سیٹھی دونوں کو گورننگ باڈی میں شامل کرلیں اور جو اکثریت حاصل کرلے وہ چیئرمین پی بی بی بن جائے جس پر نجم سیٹھی کا کہنا تھا کہ یہ میرا یا ذکا اشرف کا معاملہ نہیں، مجھے یہ عہدہ لینے میں کوئی دلچسپی نہیں بلکہ وزیراعظم کے کہنے پر تذبذب کے ساتھ یہ عہدہ قبول کیا، اگر میری وجہ سے معاملہ حل ہوتا ہے تو مجھے عہدہ چھوڑنے پر کوئی اعتراض نہیں۔
اس موقع پر جسٹس جمالی نے کہا کہ نجم سیٹھی سے پوچھ لیتے ہیں کیا وہ رضاکارانہ طور پر عہدہ چھوڑنے کے لئے راضی ہیں جس پر نجم سیٹھی نے فوراً عذر پیش کرتے ہوئے کہا کہ وزیراعظم چاہتے ہیں کہ میں پی سی بی میں رہوں،اگر وزیراعظم نے کہا تو میں پی سی بی کے انتخابات بھی لڑوں گا۔طویل سماعت کے دوران جسٹس جمالی کا کہنا تھا کیوں نہ ہم پی سی بی اعلامیے کو معطل کردیں اور عدالتی چھٹیوں کے بعد اس کیس کی سماعت کریں جس کے بعد سماعت میں وقفہ کردیا گیا۔
متعلقہ عنوان :
مزید اہم خبریں
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
-
ماہ ذی القعدہ کے چاند کی رویت کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.