مریدکے، بڑے بھائی نے چھوٹے بھائی کے تین کم سن بچے کرنٹ لگا کر مار ڈالے ،دو خواتین سمیت سات افراد بچا لئے گئے
پیر 14 جولائی 2014 18:22
مریدکے (اُردو پوائنٹ تاز ترین اخبار۔ 14جولائی 2014ء )مریدکے کی نواحی آبادی راجہ میں شیطانی خواہش کی خاطر بڑے بھائی نے چھوٹے بھائی کے تین کم سن بچے کرنٹ لگا کر مار ڈالے دو خواتین سمیت سات افراد بچا لیے گئے ۔ دو بچوں ایک خاتون کی حالت تشویش ناک بیان کی جاتی ہے ۔ تفصیل کے مطابق مریدکے کی نواحی آبادی راجہ میں شیطانی خواہش پوری نہ کرنے کی وجہ سے بڑے بھائی رمضان نے چھوٹے بھائی اکبر کے تین کم سن بچوں چھ سالہ طیب پانچ سالہ ایمان اورتین سالہ مہک کو کرنٹ لگا کر مار ڈالا جبکہ بھابی رانی بی بی اس کے دو بچوں حسن اور منزہ صغرا بی بی محمد افضل سمیت سات افراد کو مردہ سمجھ کر چھوڑ کر فرار ہوگیا ۔
نیم مردہ افراد کو مریدکے تحصیل ہیڈ کوارٹر ہسپتال منتقل کر دیا گیا جہاں رانی بی بی اور اس کے دو بچوں کی حالت تشویش ناک ہے ۔(جاری ہے)
مریدکے تحصیل ہیڈ کوارٹر ہسپتال میں 55سالہ محمد افضل نے بتایا کہ وہ چار بھائی ارشد ، افضل، رمضان ، اکبر ہے ۔ چاروں بھائی ایک ہی گھر میں رہائش پزیر ہے ۔ اتوار اور پیر کے درمیانی شب اس کا چھوٹا بھائی رمضان جو کہ ٹریکٹر ٹرالی چلاتا ہے گھر آیا جس نے گھر میں موجود اپنے بھائی اکبر کی اہلیہ رانی بی بی اس کے پانچ بچوں منزہ ، طیب ، ایمان ، مہک ، حسن اور گھرمیں موجود دیگر سات افراد کو بوتلیں پلائیں ۔
بوتلیں پیتے ہی تمام افراد بے ہوش ہو گئے ۔ رمضان نے اپنی بھابی رانی بی بی کو مبینہ طور پر زیادتی کا نشانہ بنایا اور پھر رانی بی بی اس کے پانچ بچوں کو کرنٹ لگا دیا جس کی وجہ سے تین کم سن بچے طیب ، ایمان ، مہک جابحق ہو گئے جبکہ رانی بی بی منزہ ، حسن اور دیگر بے ہوش افراد کو نیم مردہ حالت میں مریدکے تحصیل ہیڈ کوارٹر ہسپتال میں ریسکیو 1122کے ذریعہ پہنچایا گیا ۔ محمد افضل نے بتایا کہ اس کا بھائی اکبر راولپنڈی میں محنت مزدوری کا کام کرتا ہے کئی ماہ سے وہاں مقیم ہے رمضان جو کہ گھر میں بھائیوں میں سے تیسرے نمبر پر ہے ۔ کا بری حرکتوں کی وجہ سے گھر میں داخلہ منع تھا کہ اتوار اور پیر کی درمیانی شب گھر آیا اور شیطانی کھیل کھیل کر فرار ہو گیا گذشتہ روز صبح سحری کے وقت رانی بی بی کے چیخ و پکار کرنے کی آوازے اہل محلہ نے سنی تو صورت حال کا انکشاف ہوا اکبر کو راولپنڈی میں صرف یہ اطلاع دی گئی کہ اس کے بچوں کی حالت ٹھیک نہ ہے ۔ ہسپتال میں رانی بی بی کی والدہ شریفاں بی بی نے بتایا کہ ملزم رمضان نے اس کی بیٹی کے ساتھ بہت ظلم کیا ہے اس کے تین بچوں کو قتل اور دیگر کو بے ہوش کر کے فرار ہو گیا ہے ۔ اس کی بیٹی رانی بی بی اکثر شکایت کرتی تھی کہ اس کے شوہر کا بھائی رمضان بری نظر سے دیکھتا ہے وزیر اعلی پنجاب سخت نوٹس لیں اور ملزم کو سخت سزا دلوائیں ۔ ادھر پولیس نے جابحق ہونے والے بچوں کی لاشیں پوسٹ مارٹم کے لیے تحصیل ہیڈ کوارٹر ہسپتال میں منتقل کر دی ہے ۔ جبکہ ملزم کی تلاش شروع کر دی ہے ۔مزید اہم خبریں
-
پاکستان سمیت میٹا ریجن میں 88 فیصد کاروبار سائبر حملوں کا شکار ہوئے،کیسپرسکی رپورٹ
-
چیئرمین سینیٹ سید یوسف رضا گیلانی و ڈپٹی چیئرمین سینیٹ سیدال خان کا محنت کشوں کے عالمی دن کے موقع پر پیغام
-
احتجاجی تحریک کیلئے پی ٹی آئی کا مولانا فضل الرحمان سے فوری رابطے کا فیصلہ
-
ایلون مسک بھارت کے بجائے چین کیوں گئے؟ بھارتی شہری ناراض
-
چیئرمین پبلک اکاؤنٹس کمیٹی کیلئے شیرافضل مروت کا نام فائنل
-
لاہور میں فوڈ رائیڈر جلد ڈیلیوری کے چکر میں 28 ای چالان کروا بیٹھا
-
کسانوں نے گندم کی خریداری میں تاخیر پر احتجاج کا دائرہ کار بڑھا دیا
-
ججز خط کیس؛ عدلیہ میں مبینہ مداخلت پر حکومت اور ایجنسیوں سے تفصیلی جواب طلب
-
امریکہ نے سعودی عرب کے ساتھ دفاعی معاہدے کو اسرائیل کے ساتھ تعلقات سے مشروط کردیا
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے بعد وطن واپس روانہ
-
ہمیں ایک ہائی سکیورٹی رسک ملک و قوم کا منفی تاثر زائل کرنا ہوگا، احسن اقبال
-
پاکستان تحریک انصاف کے انٹرا پارٹی الیکشن پر اعتراض ‘الیکشن کمیشن نے اعتراضات پر جواب جمع کروانے کی ہدایت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.