پی ٹی آئی کے جلسے میں موسیقی کے سر بکھیرنے والا ڈی جے بٹ گرفتار

جمعہ 12 ستمبر 2014 11:52

اسلام آباد (اُردو پوائنٹ اخبار تازہ ترین۔12ستمبر 2014ء) اسلام آباد پولیس نے ڈی جے بٹ کو گرفتار کرلیا، شیریں مزاری نے گرفتاری کی تصدیق کرتے ہوئے کہا ہے کہ تحریک انصاف کے کارکنوں کی گرفتاریاں حکومتی دہشت گردی ہے ۔ اسلام آباد میں تحریک انصاف کے دھرنے میں موسیقی کی دھنیں بکھیرنے والے اور عوام کو اپنے میوزک کے ذریعے جوش میں لانے والے ڈی جے بٹ کو پولیس نے گرفتار کرلیا ہے ۔

(جاری ہے)

انہیں اسلام آباد میں ایک ریسٹورنٹ سے حراست میں لیاگیا ۔ تحریک انصاف کی مرکزی سیکرٹری اطلاعات شیریں مزاری نے واقعہ کی تصدیق کی ہے ۔ انہوں نے الزام لگایا کہ حکومت تحریک انصاف کے دیگر کارکنوں کو بھی گرفتار کر رہی ہے ۔ کارکنوں کی گرفتاریاں حکومتی دہشت گردی ہے ۔ شیریں مزاری نے گرفتاریوں کی مذمت کرتے ہوئے ڈی جے بٹ اور دیگر کارکنوں کی فوری رہائی کا مطالبہ کیا ہے ۔

Facebook Twitter Google + Share on Whatsapp

پی ٹی آئی کے جلسے میں موسیقی کے سر بکھیرنے والا ڈی جے بٹ گرفتار

متعلقہ عنوان :

مزید اہم خبریں