ایبولا پر قابو پانے میں کئی ماہ لگ سکتے ہیں، اقوام متحدہ
جمعہ 12 دسمبر 2014 20:23
نیویارک(اُردو پوائنٹ اخبار تازہ ترین۔12دسمبر۔2014ء) اقوام متحدہ کے انسداد ایبولا کے شعبے کے سربراہ ڈاکٹر ڈیوڈ نابورو نے کہا ہے کہ مغربی افریقہ میں ایبولا کی وبا پر قابو پانے میں کئی ماہ کی مدت لگ سکتی ہے۔ میڈیارپورٹس کے مطابق نابورو کی جانب سے اس حوالے سے جاری کردہ ایک جائزہ رپورٹ میں بتایا گیا ہے کہ اقوام متحدہ اگلے برس کے آغاز تک ایبولا وائرس سے متاثرہ تمام مریضوں کو الگ کرنے کا ہدف رکھتی تھی، تاہم موجودہ صورت حال میں اس ہدف کا حصول ممکن نہیں ہے۔
ڈاکٹر نابورو نے بتایا کہ گزشتہ چار ماہ میں متاثرہ ممالک کی حکومتوں نے اس بیماری کے انسداد کے لیے موثر اقدامات کیے ہیں جب کہ متاثرہ علاقوں میں مقامی کمیونٹیز بھی اس سلسلے میں عملی کاموں میں بھرپور طریقے سے شریک ہیں۔(جاری ہے)
تاہم انہوں نے ایک مرتبہ پھر زور دیا کہ سیرالیون اور مالی میں اس وبا کو قابو میں رکھنے کے لیے زیادہ موثر اقدامات کی اشد ضرورت ہے۔
ادھر عالمی ادارہ صحت ڈبلیو ایچ او نے کہا ہے کہ یکم دسمبر تک ایبولا وائرس سے متاثرہ 70 فیصد مریضوں کو علیحدہ کرنے اور 70 فیصد ہلاک شدگان کی محفوظ طریقے سے تدفین کا ہدف حاصل نہیں کیا جا سکا ہے۔ تاہم اس ادارے کی جانب سے یہ واضح نہیں کیا گیا ہے کہ اگلے ماہ کے آغاز تک ایبولا وائرس سے متاثرہ تمام مریضوں کو الگ کر دینے کا ہدف پورا کیا جا سکتا ہے یا نہیں۔گزشتہ ر وز بان کی مون نے اقوام متحدہ کے مشن برائے تدارک ایبولا کے نئے سربراہ کا تقرر کیا۔ اس مشن کی سربراہی بان کی مون نے موریتانیہ سے تعلق رکھنے والے اسماعیل اولد شیخ احمد کو سونپ دی ہے۔ 54 سالہ احمد اقوام متحدہ کے متعدد ذیلی اداروں میں خدمات انجام دے چکے ہیں۔ وہ شام، یمن، نیروبی اور جارجیا میں بھی کام کر چکے ہیں۔ اسماعیل اولد شیخ احمد ایک ایسے وقت یہ ذمہ داری سنبھال رہے ہیں، جب مغربی افریقی ممالک سے پھیلنے والی ایبولا کی وبا کے متاثرین میں بدستور اضافہ ہو رہا ہے۔ یہ وائرس اب تک اٹھارہ ہزار سے زائد افراد کو متاثر کر چکا ہے جب کہ اس کے نتیجے میں ہلاک ہونے والوں کی تعداد 6,400 سے تجاوز کر چکی ہے۔متعلقہ عنوان :
مزید بین الاقوامی خبریں
-
امریکی صدرنے چین ، جاپان، روس اوربھارت کو زینو فوبیا کا شکار قرار دے دیا
-
امریکا میں فریج سے 4 نومولود بچوں کی لاشیں ملنے کا کیس معمہ بن گیا
-
قطرامریکی دبا ئوپرحماس قیادت کو ملک سے بے دخل کرنے پرتیار
-
اسرائیل اور حماس میں غزہ جنگ بندی پر معاہدہ ہونے کا امکان
-
جرمنی میں مسلمان طلبہ کے زیراثر بڑی تعداد میں عیسائی بچے اسلام قبول کرنے لگے
-
سعودی عرب میں پچھلے سال انٹرنیٹ کے استعمال کا تناسب 99 فی صد تک پہنچ گیا
-
کینیڈا نے ہردیپ سنگھ کے قتل کے الزام میں تین بھارتی شہری گرفتارکرلیے،فرد جرم عائد
-
شمالی غزہ مکمل قحط کا شکار ہو چکا ہے، اقوام متحدہ
-
نیویارک میں ہوٹلز کے کرایے آسمان سے باتیں کرنے لگے
-
اسرائیل نے رفح سے لوگوں کو نکالنے کا منصوبہ امریکہ اورامدادی تنظیموں کو بتا دیا
-
بھارت،ڈاکٹر نے اپنی ماں، بیوی اور دوبچوں کو قتل کرکے خودکشی کرلی
-
کینیڈا میں مودی سرکارکے ہاتھوں ہردیپ سنگھ نجرکے قتل کیس میں گرفتاریاں شروع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.