امریکہ کے مختلف شہروں میں برفانی طوفان کے باعث زندگی کا نظام درہم برہم ہوکر رہ گیا ‘سینکڑوں فلائٹس معطل

بدھ 11 فروری 2015 13:24

نیویارک/ایتھنز(اُردو پوائنٹ تازہ ترین اخبار۔ 11فروی 2015ء) امریکہ کے مختلف شہروں میں برفانی طوفان کے باعث زندگی کا نظام درہم برہم ہوکر رہ گیا،، یونان میں بھی برف باری سے معمولات زندگی متاثر ہوئے ہیں۔

(جاری ہے)

امریکہ کے مختلف شہروں میں برفبانی طوفان نے زندگی کا نظام درہم برہم کردیا امر یکی شہر میساچوسٹس میں برفباری کے باعث بچے اسکول نہیں جا سکے، شہری گھروں تک محدود ہوکر رہ گئے،امریکی شہر بوسٹن میں برفباری کے باعث انڈر گراؤنڈ ریلوی کا نظام اور سب وے بند کرنا پڑا، سکولوں میں بھی چھٹی کردی گئی، نیو انگلینڈ میں برف کی موٹی تہیں جم گئیں ‘ نہر میں پانی برف بن گیا،امریکہ کے شمالی مشرقی علاقوں میں بارہ سینٹی میٹر تک برف کی موٹی تہیں جم گئیں ہیں جس کے باعث زندگی کا نظام معطل ہوکر رہ گیابرفباری کے باعث اٹھارہ سو فلائیٹس معطل کردی گئیں یونان کے مختلف شہروں بھی شدید برفباری ہوئی ہے۔