زمبابوے عدم ادائیگی پر ورلڈ کپ کی دوڑ سے باہر
جمعہ 13 مارچ 2015 12:03
زیورخ (اُردو پوائنٹ اخبار تازہ ترین۔13مارچ۔2015ء)فٹ بال کی عالمی تنظیم فیفا نے زمبابوے کو سابق کوچ ہوزے کلوڈینی جارجینی کو رقم کی عدم ادائیگی پر فٹ بال کے عالمی کپ 2018 کے کوالیفائنگ راوٴنڈ سے نکال دیا گیا ۔فیفا کی طرف سے جاری ہونے والے بیان کے مطابق یہ اقدام ’واجب الادا بقایاجات کی عدم ادائیگی کے نتیجے میں کیا گیا۔فیفا کے مطابق زمبابوے فٹ بال ایسوسی ایشن (زیفا) مقرر مدت میں ادائیگی کرنے میں ناکام رہی ہے۔
اس اقدام کے ساتھ ہی زمبابوے کی کوالیفائنگ راوٴنڈ میں کوئی میچ کھیلے بغیر ہی روس میں ہونے والی عالمی کپ مقابلوں میں شرکت کی امیدیں دم توڑ گئی ہیں۔افریقن زون کے کوالیفائنگ مقابلے اکتوبر میں منعقد ہوں گے اور اس کے لیے ڈراز جولائی میں روس کے شہر سینٹ پیٹرز برگ میں نکالے جائیں گے۔(جاری ہے)
زمبابوے کی فٹ بال ٹیم کبھی بھی عالمی کپ مقابلوں کے لیے کوالیفائی نہیں کر سکی ہے۔
والنہوس کے نام سے مقبول برازیلین نڑاد کوچ جارجینی نے سنہ 2008 میں جنوری سے نومبر تک زمبابوے کی قومی ٹیم کے لیے خدمات سرانجام دیں تھیں۔ اس وقت سے زمبابوے کی جانب سے انھیں رقم کی ادائیگی نہیں کی گئی۔ سنہ 2012 میں فیفا کی جانب سے زمبابوے کی فٹ بال ایسوسی ایشن کو واجبات کی ادائیگی کا کہا گیا تھا۔تاہم متعدد تنبیہہ کرنے اور مقررہ تاریخ کے باوجود واجبات ادا نہ کیے گئے۔فیفا کے مطابق زمبابوے نے ٹیم خارج کیے جانے کے خلاف اپیل نہیں کی ہے۔زمبابوے فٹ بال ایسوسی ایشن اس وقت شدید مالی مشکلات کا شکار ہے۔ اس پر تقریباً 40 لاکھ امریکی ڈالر کا قرض ہے اور حال ہی میں فیفا کی جانب سے قائم کیے گئے تربیتی مراکز کی فروخت سے سابق کوچ کے ساتھ قانونی تنازعہ حل کیا جائے گا۔مزید کھیلوں کی خبریں
-
پاکستان میں شیڈول چیمپئنز ٹرافی ٹورنامنٹ کے فائنل کے ممکنہ وینیو کا نام سامنے آ گیا
-
ٹی ٹوئنٹی ورلڈکپ کا گانا آئی سی سی نے ریلیز کر دیا
-
آئی سی سی نے معروف ویسٹ انڈین کرکٹر پر 5 سال کی پابندی عائد کردی
-
ورلڈ کپ اسکواڈ سے متعلق سب کلیئرہے، فٹنس دیکھ کر ہم اعلان کر دیں گے، وہاب ریاض
-
فٹنس کیلئے ویمن کرکٹرزکو بھی ملٹری اکیڈمی کاکول بھیجنے کا فیصلہ
-
کینیڈا کا ٹی 20 کرکٹ ورلڈ کپ کیلئے 15 رکنی سکواڈ کا اعلان کردیا
-
پاکستان نے آئرلینڈ اور انگلینڈ سیریز کے لیے 18 رکنی اسکواڈ کا اعلان کر دیا
-
پی سی بی انٹرکلب کرکٹ ٹورنامنٹ، چناب کلب نے القاسم کلب کو آٹھ وکٹوں سے شکست دیدی
-
کینیڈا نے ٹی ٹونٹی ورلڈ کپ 2024ئ کے لیے سکواڈ کا اعلان کر دیا
-
سربراہ پی سی بی میڈیکل کمیشن ڈاکٹر سہیل سلیم عہدے سے مستعفی
-
ایمرجنگ ایشیاکپ میں بھارتیوں نے گرما گرمی کی تو ہم نے بھی بھرپور جواب دیا، مہران ممتاز
-
اذلان شاہ ہاکی ٹورنامنٹ میں شرکت کیلئے قومی ٹیم ملائیشیا پہنچ گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.