برطانیہ میں تیز ہواوٴں اورطوفانی بارشوں نے تباہی مچا دی، معمولات زندگی بری طرح متاثر ،لاکھوں افراد گھروں میں محصور
بدھ 1 اپریل 2015 16:21
لندن(اُردو پوائنٹ اخبار تازہ ترین۔یکم اپریل۔2015ء) برطانیہ میں طوفانی ہواوٴں اور موسلادھار بارشوں نے بتائی مچادی،متاثرہ علاقوں میں معمولات زندگی بری طرح متاثر ہوئے ہیں اور آمد و رفت کا نظام متاثر ہونے کی وجہ سے لاکھوں افراد گھروں میں محصور ہو کر رہ گئے ہیں۔برطانوی میڈیا کے مطابق طوفانی ہواوٴں اور موسلادھار بارشوں نے برطانیہ کے طول و عرض کو اپنی لپیٹ میں لے رکھا ہے جس کے باعث متاثرہ علاقوں میں معمولات زندگی بری طرح متاثر ہو رہے ہیں اور آمد و رفت کا نظام متاثر ہونے کی وجہ سے لاکھوں افراد گھروں میں محصور ہو کر رہ گئے ہیں۔
ماحولیاتی ادارے نے جنوبی اسکاٹ لینڈ، شمالی آئر لینڈ اور برطانیہ کے بیشتر حصوں میں شدید موسم کا انتباہ جاری کیا ہے اور تیز ہواوٴں کیساتھ بارش کا سلسلہ جمعرات تک جاری رہنے کی پیش گوئی کی ہے جبکہ ملک کے جنوبی اور مغربی حصوں کے لیے سیلاب کے خطرہ کا انتباہ جاری کیا گیا ہے۔(جاری ہے)
موسمیاتی ادارے کے مطابق، بحر اوقیانوس سے اٹھنے والے ہوا کے کم دباوٴ کے باعث ملک کے زیادہ تر حصوں میں طوفانی ہواوٴں کے جھکڑ چلنے او رباد و باراں کا سلسلہ پورے ہفتے جاری رہنے کی توقع ہے۔
ملک کے شمالی اور مشرقی حصوں سمیت شمالی ویلز میں 50 سے 60 میل فی گھنٹہ کی رفتار سے چلنے والی تیز ہواوٴں اور بارشوں کا انتباہ بدھ کے لیے جاری کر رکھا ہے۔ماہر موسمیات ڈین ولیم نے رات کے درجہ حرارت میں کمی آجانے سے شمالی برطانیہ کے بعض مقامات پر برف باری کی پیش گوئی کی ہے۔ برطانیہ کے بیشتر علاقوں خاص طور پر مغربی حصوں اور یورک شائر سمیت دارالحکومت لندن کے شمال مغربی حصے پیر کی شب سے طوفانی ہواوٴں، ژالہ باری اور موسلادھار بارشوں کا سامنا کر رہے ہیں جس کی وجہ سے پیدل چلنے والوں، سڑکوں اور ریلوے نیٹ ورک کے ذریعے سفر کرنے والے لاکھوں مسافروں کو کام سے گھروں تک پہنچنے میں رکاوٹوں کا سامنا رہا۔یاد رہے کہ یہ طوفان ایک ایسے وقت میں آیا ہے جب برطانیہ میں لوگ ایسٹر کی تعطیلات منانے کی تیاریاں کر رہے ہیں اور زیادہ تر اہم شاہراہوں پر تعطیلات منانے کے لیے جانے والوں کی وجہ سے ٹریفک جام رہتا ہے۔ذرائع کا کہنا ہے کہ ایسٹر کے موقع پر ملک بھر میں لگ بھگ 16 لاکھ افراد سڑکوں کے ذریعے آمدو رفت کرتے ہیں جبکہ اہم شاہراہوں پر گڈ فرائیڈے اور ایسٹر سنڈے کی تعطیلات کے دنوں میں سال کا مصرف ترین ٹریفک نظر آتا ہے۔مزید بین الاقوامی خبریں
-
سعودی عرب ، مسجد نبوی میں ایک ہفتے کے دوران 42 لاکھ سے زیادہ زائرین کی آمد
-
بھارت ، ڈاکٹر نے اپنی ماں، بیوی اور دوبچوں کو قتل کرکے خودکشی کرلی
-
امریکی صدرنے چین ، جاپان، روس اوربھارت کو زینو فوبیا کا شکار قرار دے دیا
-
امریکا میں فریج سے 4 نومولود بچوں کی لاشیں ملنے کا کیس معمہ بن گیا
-
قطرامریکی دبا ئوپرحماس قیادت کو ملک سے بے دخل کرنے پرتیار
-
اسرائیل اور حماس میں غزہ جنگ بندی پر معاہدہ ہونے کا امکان
-
جرمنی میں مسلمان طلبہ کے زیراثر بڑی تعداد میں عیسائی بچے اسلام قبول کرنے لگے
-
سعودی عرب میں پچھلے سال انٹرنیٹ کے استعمال کا تناسب 99 فی صد تک پہنچ گیا
-
کینیڈا نے ہردیپ سنگھ کے قتل کے الزام میں تین بھارتی شہری گرفتارکرلیے،فرد جرم عائد
-
شمالی غزہ مکمل قحط کا شکار ہو چکا ہے، اقوام متحدہ
-
نیویارک میں ہوٹلز کے کرایے آسمان سے باتیں کرنے لگے
-
اسرائیل نے رفح سے لوگوں کو نکالنے کا منصوبہ امریکہ اورامدادی تنظیموں کو بتا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.