جی ایس پی پلس کے کامیاب ریویو کیلئے تیاری مکمل کر لی ہے ،انجینئر خرم دستگیر خان
گزشتہ سال تمام مسائل کے باوجود جی ایس پی پلس کی بدولت پاکستان کی تجارت کو استحکام ملا، یورپی یونین کو پاکستان کی برآمدات میں قریباًبیس فیصد اضافہ ہوا،وفاقی وزیر تجارت
بدھ 1 جولائی 2015 20:25
اسلام آباد (اُردو پوائنٹ اخبار تازہ ترین۔ یکم جولائی۔2015ء) وفاقی وزیر تجارت انجنیئر خرم دستگیر خان نے کہا ہے کہ وزارت تجارت نے جی ایس پی پلس کے کامیاب ریویو کیلئے تیاری مکمل کر لی ہے، گزشتہ سال تمام مسائل کے باوجود جی ایس پی پلس کی بدولت پاکستان کی تجارت کو استحکام ملا اور یورپی یونین کو پاکستان کی برآمدات میں قریباًبیس فیصد اضافہ ہوا،ان خیالات کا اظہار وفاقی وزیر تجارت نے پاکستان میں متعین جرمنی کے سفیر ڈاکٹر سرل نن سے الوداعی ملاقات کے دوران کیا۔
جرمن سفیر رواں ماہ میں اپنی ذمہ داریوں سے سبکدوش ہو جائیں گے۔اس موقع پر گفتگو کرتے ہوئے جرمن سفیر نے کہا کہ جرمنی پاکستان کی حمایت جاری رکھے گا اور دونوں ممالک کے درمیان حال ہی میں تجارت اور سرمایہ کاری کے فروغ کیلئے لئے گئے اقدامات کو جاری رکھنے کی ضرورت ہے۔(جاری ہے)
وفاقی وزیرتجارت نے کہا کہ وہ جرمنی کے پاکستان کیلئے خیر سگالی کے جذبات کو قدر کی نگاہ سے دیکھتے ہیں،جی ایس پی پلس کے حصول میں جرمنی کی پاکستان کیلئے حمایت سے ثابت ہو گیا کہ جرمنی پاکستان کا حقیقی دوست ہے اور دوسرے مما لک کو بھی پاکستان کی حمایت پر آمادہ کر کے جرمنی نے ثابت کیا کہ وہ پاکستانی عوام کی معاشی ترقی میں گہری دلچسپی رکھتا ہے۔
انھوں نے اس امرکو بھی سراہا کہ جرمنی نے آنے والے سالوں میں پاکستان کو جی ایس پی پلس کیلئے حمایت کا یقین دلایا ہے۔وفاقی وزیر نے کہا کہ حال ہی میں جرمن وفد نے پاکستان کا کامیاب دورہ کیا اس سے دونوں ممالک کے تجارتی تعلقات مزید بہتر ہوں گے۔تجارتی تعلقات میں مزید بہتری کیلئے وزیر تجارت آئندہ چند ماہ میں ملک کے نمایاں کاروباری حضرات کے ہمراہ جرمنی کا دورہ کریں گے اور جرمنی کے مختلف شہروں کے چیمبرز آف کامرس میں کاروباری حضرات سے ملاقات کریں گے۔وفاقی وزیر نے جرمن سفیر کو بتا یا کہ وزارت تجارت جرمنی میں ہونے والی تجارتی نمائشوں میں پاکستان کی شمولیت کو یقینی بنائے گی، اس ضمن میں ٹریڈ ڈویلپمنٹ اتھارٹی آف پاکستان جلد ہی اپنا لائحہ عمل طے کرے گی۔وفاقی وزیر نے کہا کہ جی ایس پی پلس کے پاکستان کی تجارت پر انتہائی مثبت نتائج سامنے آئے ہیں اور آئندہ چند برسوں میں اس میں مزید بہتری ہوگیمزید اہم خبریں
-
آئین میں آزادی اظہار رائے ،آزادی صحافت کی ضمانت شہید بھٹو کی لیگیسی ہے‘ بلاول بھٹو
-
محسن نقوی ،خو اجہ محمد آصف کاعلامہ اقبال ائیر پورٹ کا 2 گھنٹے طویل دورہ سہولتوں پرعدم اطمینان کا اظہار
-
لاہور ہائیکورٹ نے سکول ٹیچر سے زیادتی کرنے والے ملزم کی 14 سال سزا کو کالعدم قراردیدی
-
پی آئی اے کی نجکاری میں 15 دن کی توسیع کا فیصلہ کیا گیا ہے،عبدالعلیم خان
-
حکومت نے آئی ایم ایف کی بجلی گیس مہنگی اور پنشنرز پر ٹیکس لگانے کی تجویزپر غور شروع کر دیا
-
آڈیو لیکس کیس، آئی بی کی بینچ پر اعتراض واپس لینے کی درخواست خارج
-
صحافت کو درپیش خطرات سے مشترکہ طور پر نمٹنے کی ضرورت، گوتیرش
-
حکومت آئی ایم ایف پیکیج پر پارلیمنٹ کو اعتماد میں لے، راجہ پرویز اشرف
-
گلگت بلتستان ، مسافر بس گہری کھائی میں گرنے سے 20افرادجاں بحق 22شدید زخمی
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.