رئیسانی قبائل و خاندان کی تاریخ قربانیوں سے بھری پڑی ہے ،میر فریدرئیسانی
بدھ 29 جولائی 2015 21:50
سبی(اُردو پوائنٹ اخبار تازہ ترین۔ 29 جولائی۔2015ء)ممتاز قبائلی شخصیت میر فریدرئیسانی نے کہا ہے کہ رئیسانی قبائل و خاندان کی تاریخ قربانیوں سے بھری پڑی ہے اور چار سال قبل نوابزادہ میر سراج خان رئیسانی کے کمسن لخت جگر نوابزادہ میر حقمل رئیسانی نے سرزمین بلوچستان کے لیے جو قربانی دی ہے وہ رائیگاں نہیں جائے گی،چار سال کا طویل عرصہ گزرنے کے باوجود قاتلوں کی عدم گرفتاری حکمرانوں کے لیے لمحہ فکریہ سے کم نہیں ہے ان خیالات کا اظہار انہوں نے شہید نوابزادہ میر حقمل خان رئیسانی کی چوتھی برسی کے موقع پر منعقدہ تقریب سے خطاب کرتے ہوئے کیا انہوں نے کہا کہ بلوچستان متحدہ محاذ صوبے کے عوام کی آواز ہے جس کے قائد سمیت کارکنوں نے صوبے کی ترقی و خوشحالی اور عوام کے حقوق کی خاطر بے شمار قربانیاں دی ہیں جو ایک دن ضرور رنگ لائیں گی انہوں نے کہا کہ صوبے کے عوام آج بھی پتھر کے دور کی زندگی گزارنے پر مجبور ہیں عوام تمام بنیادی سہولیات سے محروم ہیں جبکہ صوبے میں جاری بدامنی اور مہنگائی نے عوام کا جینا دوبھر کردیا ہے انہوں نے کہا کہ بلوچستان متحدہ محاذ صوبے کے عوام کو بدامنی اور بے روزگاری کے دلدل سے نکالنے سمیت انہیں طبقاتی نظام کے تسلط سے آزاد کرانے کی جدوجہد جاری رکھے ہوئے ہے صوبے کے عوام کو چاہیے کہ وہ نوابزادہ میر سراج خان رئیسانی کے ہاتھ مضبوط بنائیں تاکہ صوبہ ترقی و خوشحالی کی جانب گامزن ہو سکے انہوں نے مزید کہا کہ ہم عوام کے حقوق کے حصول کی اس جدوجہد سے کسی صورت دستبردار نہیں ہوں گے اور شہید میر حقمل رئیسانی کے پیغام گھرگھر پہنچاکر عوام میں شعور بیدار کریں گے انہوں نے مطالبہ کرتے ہوئے کہا کہ حکمران شہید نوابزادہ میر حقمل خان رئیسانی کے قاتلوں کو فی الفور گرفتار کرکے کیفرکردار تک پہنچانے کے لیے عملی طور پر ٹھوس اقدامات اٹھائیں۔
مزید قومی خبریں
-
گورنر سندھ کامران خان ٹیسوری کی چاند پر پاکستانی سیٹلائٹ آئی کیوب قمر بھیجے جانے پر قوم کو مبارکباد
-
سٹی ٹریفک پولیس نے ای چالان ادا نہ کرنے والی متعدد گاڑیاں پکڑلیں، ای چالان نادہندہ گاڑیوں کے مالکان پولیس سروسز حاصل نہیں کرسکیں گے، ترجمان
-
وزیر اعلٰی بلوچستان میر سرفراز بگٹی کی زیر صدارت محکمہ خوراک کا اعلٰی سطحی جائزہ اجلاس، گندم خریداری پالیسی اینڈ پلان 2024 کا جائزہ لیا گیا
-
نجی بینک میں 5کروڑ روپے سے زائد جعلی کرنسی جمع کروانے والے 3ملازمین گرفتار
-
وزیر نجکاری عبد العلیم خان سے آذر بائیجان کے سفیر کی ملاقات ،ملکی و علاقائی صورتحال پر تبادلہ خیال
-
بس مجھے قتل کرنا رہ گیا ہے ،میں موت سے نہیں ڈرتا، عمران خان
-
تربت و گردونواح میں زلزلے کے جھٹکے ،کوئی جانی نقصان نہیں ہوا
-
انصاف پسند معاشرے کے لیے آزاد صحافت ضروری ہے، بیرسٹر مرتضی وہاب
-
چیئرمین پیپلزپارٹی بلاول بھٹو کی وزیراعظم ہاوس آمد ، وزیراعظم نے استقبال کیا اورحکومت میں شامل ہونے ایک بارپھردعوت
-
حریت فکر کا علم بلند کرنے والے ہر صحافی کو سلام: مریم نواز شریف
-
وزیراعلیٰ پنجاب مریم نوازکی خضدار بم دھماکے کی مذمت
-
پاسپورٹ دفاترمیں ایجنٹوں کیخلاف کریک ڈائون جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.